ໃນວັນທີ 21 ກັນຍາ 2021 ທີ່ຜ່ານມາ ລັດຖະບານທະຫານຂອງມຽນມາໄດ້ຖອນການດໍາເນີນຄະດີໃນຂໍ້ຫາຍຸຍົງໃຫ້ເກີດຄວາມປັ່ນປ່ວນຂອງ ອອງຊານ ຊູຈີ ອະດີດທີ່ປຶກສາແຫ່ງລັດ ຖືໄດ້ວ່າການຍົກເລີກຄະດີໃນຄັ້ງນີ້ເຮັດໃຫ້ ອອງຊານ ຊູຈີ ຫຼຸດໂທດລົງພຽງເລັກໜ້ອຍເທົ່ານັ້ນເມື່ອທຽບກັບຕ້ອງຕິດຄຸກອີກຫຼາຍປີ. ທາງດ້ານທ່ານ ວິນ ມິນ ປະທານາທິບໍດີທີ່ຖືກກອງທັບມຽນມາໄລ່ອອກຈາກຕໍາແໜ່ງນັ້ນ ກໍບໍ່ມີຄວາມຜິດໃນຄະດີນີ້ເຊັ່ນກັນ.
ທ່ານ ຂິ່ນ ໝ່ອງຊໍ ທະນາຍຂອງນາງ ອອງຊານ ຊູຈີ ໄດ້ລະບຸວ່າ ນາງອອງຊານ ຊູຈີ ບໍ່ມີຄວາມຜິດໃນຂໍ້ຫາດັ່ງກ່າວແລ້ວ ແລະ ຍັງມີສຸຂະພາບແຂງແຮງດີ. ນອກນີ້, ທ່ານ ຂິ່ນ ໝ່ອງຊໍ ຍັງໄດ້ບອກຕື່ມອີກວ່ານາງ ອອງຊານ ຊູຈີ ບໍ່ຂໍອອກຄວາມຄິດເຫັນກ່ຽວກັບການປະກາດຂອງລັດຖະບານເອກກະພາບແຫ່ງຊາດ (NUG) ຫຼື ລັດຖະບານເງົາຂອງມຽນມາທີ່ໃຫ້ປະຊາຊົນລຸກຂຶ້ນຕໍ່ສູ້ ແຕ່ປະຊາຊົນຜູ້ປະທ້ວງຍັງຄິດວ່າແນວທາງການຕໍ່ສູ້ຈະເປັນວິທີດຽວທີ່ຈະເຮັດໃຫ້ອໍານາດຂອງທະຫານໝົດໄປຈາກການເມືອງ ແລະ ເສດຖະກິດປະເທດຢ່າງຖາວອນ.
ແຫຼ່ງຂ່າວ: Khaosod