ປະເທດອົດສະຕຣາລີເປັນໜຶ່ງໃນປະເທດກຸ່ມທໍາອິດທີ່ໄດ້ປິດເຂດແດນປ້ອງກັນໂຄວິດ-19 ຕັ້ງແຕ່ມີການລາຍງານການແຜ່ລະບາດໃນຊ່ວງທໍາອິດ ໂດຍມີການອະນຸຍາດໃຫ້ພົນລະເມືອງອົດສະຕຣາລີຜູ້ທີ່ມີບ່ອນຢູ່ອາໄສທີ່ຖານວອນ ແລະ ຜູ້ທີ່ໄດ້ຮັບການຍົກເວັ້ນເດີນທາງເຂົ້າປະເທດໄດ້ເທົ່ານັ້ນ ເຖິງແມ່ນວ່າການປິດປະເທດຈະເຮັດໃຫ້ຕົວເລກຜູ້ຕິດເຊື້ອເພີ່ມຂຶ້ນບໍ່ຫຼາຍເມື່ອປຽບທຽບກັບປະເທດອື່ນໆໃນທົ່ວໂລກ ແລະ ໃນບາງຕົວເມືອງໃຫຍ່ບາງແຫ່ງຍັງມີການລະບາດຫຼາຍກໍຕາມ ແຕ່ການປິດປະເທດດົນມັນສົ່ງຜົນເຮັດໃຫ້ນັກທ່ອງທ່ຽວ ແລະ ນັກຮຽນທີ່ມາຈາກຕ່າງປະເທດບໍ່ມີ ລວມໄປເຖິງອຸດສາຫະກໍາການບິນ ທີ່ສົ່ງຜົນຕໍ່ກັບທຸລະກິດໃນຫຼາຍພາກສ່ວນ.
ເມື່ອສະຖານະການໂຄວິດເລີ່ມເບົາບາງລົງ ລັດຖະບານໄດ້ວາງແຜນກຽມພ້ອມທີ່ຈະເປີດປະເທດ ແລະ ພະຍາຍາມສັກວັກຊີນໃຫ້ປະຊາຊົນພາຍໃນປະເທດໃຫ້ໄວທີ່ສຸດ ແຕ່ຍັງມີປະຊາຊົນບາງສ່ວນທີ່ມີຄວາມເຫັນຄັດຄ້ານແຜນການເປີດປະເທດ ແລະ ບອກວ່ານາຍົກຈະເປີດທາງຮັບເອົາເຊື້ອໂຄວິດເຂົ້າມາປະເທດ.
ທ່ານນາຍົກຂອງອົດສະຕຣາລີບອກວ່າເມື່ອປະຊາຊົນໄດ້ຮັບວັກຊີນປະມານ 80% ຈະຍົກເລີກມາດຕະການການຄວບຄຸມເຂົ້າ-ອອກປະເທດອົດສະຕຣາລີ ແລະ ຜ່ອນຜັນມາດຕະການເດີນທາງເຂົ້າປະເທດ ພ້ອມທັງຄ່ອຍໆເປີດຮັບນັກທ່ອງທ່ຽວທີ່ເດີນທາງມາຈາກປະເທດທີ່ມີຄວາມສ່ຽງຕໍ່າ.
ສ່ວນທາງດ້ານລັດຖະມົນຕີກະຊວງການເງິນໄດ້ພະຍາຍາມໂຄສະນາແຜນການເປີດປະເທດ ແລະ ຂໍຮ້ອງໃຫ້ປະຊາຊົນຢູ່ຮ່ວມກັບໄວຣັສໂດຍບອກວ່າ: “ຄວາມເປັນຈິງຄືເຮົາຕ້ອງຢູ່ກັບໄວຣັສ ເຮົາບໍ່ສາມາດກໍາຈັດມັນໄປໄດ້ ແລະ ອົດສະຕຣາລີ ຄວນເປີດປະເທດຢ່າງເປັນໜຶ່ງດຽວ”
ແຫຼ່ງຂ່າວ: Thairath