ວັນທີ 14 ກັນຍາ 2021 ສໍານັກຂ່າວເກົາຫຼີ ແລະ ຕ່າງປະເທດ ໄດ້ລາຍງານວ່າ ວົງ BTS (ບີທີເອສ) ນັກຮ້ອງຊື່ດັງຢູ່ທີ່ປະເທດເກົາຫຼີໃຕ້ ໄດ້ຮັບແຕ່ງຕັ້ງຈາກ ປະທານາທິບໍດີເກົາຫຼີໃຕ້ Moon Jae in (ມຸນແຈອິນ) ຂຶ້ນຮັບໜັງສືແຕ່ງຕັ້ງເປັນ ຜູ້ແທນປະທານາທິບໍດີພິເສດສໍາລັບຄົນຮຸ່ນໃໝ່ ແລະ ວັດທະນະທໍາ (Speacial Presidential Envoy for Future Generations and Culture) ເພື່ອເປັນຜູ້ນໍາວາລະລະດັບໂລກເພື່ອຄົນຮຸ່ນໃໝ່ ເຊັ່ນ ການເຕີບໃຫຍ່ທີ່ຢັ້ງຢືນ ແລະ ເພື່ອຂະຫຍາຍຄວາມສາມາດທາງການທູດ ໃຫ້ເໝາະກັບສະຖານະຂອງປະເທດທີ່ໄດ້ຮັບການຍົກລະດັບຈາກປະຊາຄົມລະຫວ່າງປະເທດ ເຊິ່ງໄດ້ຈັດຕັ້ງຂຶ້ນຢູ່ທີ່ ສໍານັກງານປະທານາທິບໍດີແຫ່ງເກົາຫຼີໃຕ້ ໃນຕອນເຊົ້າທີ່ຜ່ານມາ.

BTS ແມ່ນວົງ ນັກຮ້ອງບອຍແບນ ທີ່ມີຊື່ສຽງໂດ່ງດັງ ທັງໃນເກົາຫຼີໃຕ້ ແລະ ຕ່າງປະເທດ ເຊິ່ງຖືກເປີດໂຕໃນປີ 2013 ທີ່ມີສະມາຊິກຮ່ວມກັນທັງໝົດ 7 ຄົນ ຄື: ອາເອມ, ຈິນ, ຊູກ້າ, ເຈໂຮບ, ຈີມິນ, ວີ ແລະ ຈອງກຸກ.

ວົງ BTS ຖືວ່າເປັນສິນລະປິນຈາກເອເຊຍກຸ່ມທໍາອິດ ທີ່ໄດ້ຮັບຄວາມນິຍົມໄປທົ່ວໂລກ ແລະ ຍັງໄດ້ນໍາເງິນເຂົ້າໃຫ້ກັບປະເທດເກົາຫຼີໃຕ້ຫຼາຍກວ່າ 400 ລ້ານໂດລ້າ ຕໍ່ປີ ນໍາອີກ.