ແຫຼ່ງຂ່າວ Washington Post ລາຍງານ: ລີງກໍຣິນລ່າຫຼາຍໂຕໃນສວນສັດແອັດແລນຕ້າ, ສະຫະລັດອາເມລິກາ ກວດພົບຕິດເຊື້ອໂຄວິດ-19 ເຊິ່ງທາງເຈົ້າໜ້າທີ່ດູແລສວນສັດໄດ້ນຳຕົວພວກມັນເຂົ້າປິ່ນປົວ ພ້ອມວາງແຜນສັກວັກຊີນປ້ອງກັນໂຄວິດເມື່ອພວກມັນກັບມັນຫາຍປ່ວຍ.
ເຈົ້າໜ້າທີ່ດູແລສວນສັດແອັດແລນຕ້າກ່າວວ່າ: ເບື້ອງຕົ້ນລີງກໍຣິນລ່າຈຳນວນ 4 ໂຕ ມີອາການໄອ, ນໍ້າມູກໄຫຼ ແລະ ບໍ່ຢາກອາຫານ ເຊິ່ງສົງໄສວ່າອາດມີການຕິດເຊື້ອໄວຣັສໃດໜຶ່ງ ຈິ່ງໄດ້ນຳຕົວຢ່າງໄປກວດແລ້ວພົບເຊື້ອໂຄວິດ-19 ເຊິ່ງໃນນັ້ນມີສາຍພັນແດລຕ້າຮ່ວມຢູ່ນຳ ຂະນະທີ່ໃນສວນສັດດັ່ງກ່າວມີລີງກໍຣິນລ່າ 20 ໂຕ ທີ່ໄດ້ສຳຜັດກັບກຸ່ມລີງທີ່ຕິດເຊື້ອ ເຊິ່ງກຳລັງໄດ້ຮັບການຕິດຕາມອາການຢ່າງໃກ້ຊິດ ທັງກວດຫາເຊື້ອໂຄວິດເປັນປະຈຳເຖິງແມ່ນຈະບໍ່ສະແດງອາການກໍຕາມ.
ບັນດາລີງກໍຣິນລ່າທີ່ຕິດເຊື້ອ ປັດຈຸບັນກຳລັງໄດ້ຮັບການປິ່ນປົວຮັກສາຢ່າງໃກ້ຊິດຂອງທີມງານຊ່ຽວຊານທາງການແພດ, ເຊິ່ງຫວັງວ່າອາການຂອງພວກມັນຈະດີຂຶ້ນໃນໄວໆນີ້.