ເວັບໄຊໄທຣັດລາຍງານ: ທາງການຫວຽດນາມຂະຫຍາຍມາດຕະການລັອກດາວໃນນະຄອນຮ່າໂນ່ຍຕື່ມອີກ 2 ອາທິດ ເພື່ອຄວບຄຸມການແຜ່ລະຍາດຂອງໂຄວິດ-19 ພ້ອມກັບເລັ່ງກວດຫາເຊື້ອໃຫ້ປະຊາຊົນຈຳນວນ 1.5 ລ້ານຄົນ ໃນອາທິດໜ້າ.

ສຳລັບມາດຕະການລັອກດາວ, ທາງການຫວຽດນາມໄດ້ແບ່ງເຂດພື້ນທີ່ຕິດເຊື້ອລະອຽດ ທັງສັ່ງໃຫ້ປະຊາຊົນຢູ່ແຕ່ໃນເຮືອນຂອງໃຜລາວ ພ້ອມຢຸດເຄື່ອນໄຫວກິດຈະກຳທາງນອກທັງໝົດ, ສ່ວນປະຊາຊົນທີ່ຢູ່ໃນເຂດພື້ນທີ່ສ່ຽງ (ເຂດແດງ) ຕ້ອງຢູ່ແຕ່ໃນເຮືອນ ແລະສະມາຊິກໜຶ່ງຄົນໃນຄອບຄົວຈະຕ້ອງໄດ້ກວດຫາເຊື້ອ 3 ຄັ້ງຕໍ່ອາທິດ, ສ່ວນປະຊາຊົນທີ່ຢູ່ເຂດພື້ນທີ່ອື່ນແມ່ນຈະກວດຫາເຊື້ອໂຄວິດໃນທຸກໆ 5-7 ວັນ.

ທັງນີ້ສືບເນື່ອງມາຈາກ ຮາໂນ່ຍ ກວດພົບຜູ້ຕິດເຊື້ອໂຄວິດ-19 ລາຍໃໝ່ສະເລ່ຍ 50 ຄົນຕໍ່ວັນ, ເຖິງແມ່ນຈຳນວນຜູ້ຕິດເຊື້ອສະເພາະໃນເຂດດັ່ງກ່າວຈະຕໍ່າ ແຕ່ທາງການກໍພະຍາຍາມປ້ອງກັນການແຜ່ລະບາດຢ່າງເຕັມທີ່ ພ້ອມຕັ້ງເປົ້າເລັ່ງກວດໂຄວິດໃຫ້ປະຊາຊົນໃນຮາໂນ່ຍຈຳນວນ 1.5 ລ້ານຄົນໃນອາທິດໜ້ານຳອີກ.