ເວັບໄຊ້ Posttoday ໄດ້ລາຍງານວ່າ ໃນບໍ່ດົນມານີ້ໂລກຂອງພວກເຮົາຕ້ອງປະເຊີນກັບໄພທໍາມະຊາດຢ່າງຫຼວງຫຼາຍ ບໍ່ວ່າຈະເປັນຄື້ນຄວາມຮ້ອນ, ໄພແຫ້ງແລ້ງ, ໄຟໄໝ້ ແລະ ນໍ້າຖ້ວມ ເຫດການເຫຼົ່ານີ້ມັນສະແດງໃຫ້ເຫັນເຖິງການປ່ຽນແປງຂອງສະພາບອາກາດທີ່ກໍາລັງສົ່ງຜົນກະທົບຢ່າງໜັກໜ່ວງ.
ການປ່ຽນແປງຂອງສະພາບພູມອາກາດທີ່ເກີດຈາກມະນຸດໄດ້ເຮັດໃຫ້ເກີດມີພາຍຸປະເພດຕ່າງໆທີ່ມີຄວາມຮຸນແຮງເພີ່ມຂຶ້ນ ແລະ ຄວາມຮຸນແຮງຂອງພາຍຸທີ່ເກີດຂຶ້ນແມ່ນສາເຫດອາດເນື່ອງມາຈາກໂລກຮ້ອນ. ນອກຈາກນີ້, ຍັງມີການລາຍງານສະພາບອາກາດຂອງຄະນະກໍາມະການລະຫວ່າງລັດຖະບານວ່າດ້ວຍການປ່ຽນແປງສະພາບພູມອາກາດ (IPCC) ພາຍໃຕ້ການເບິ່ງແຍງຂອງອົງກອນອຸຕຸນິຍົມວິທະຍາໂລກ (WMO) ແລະ ໂຄງສ້າງສິ່ງແວດລ້ອມແຫ່ງສະຫະປະຊາຊາດ (UNEP) ເຫັນວ່າ ພາຍຸໄຊໂຄນລະດັບ 3-5 ເຊິ່ງຮຸນແຮງທີ່ສຸດທີ່ເກີດຂຶ້ນຕະຫຼອດໃນຊ່ວງໄລຍະ 40 ປີທີ່ຜ່ານມາ ເນື່ອງຈາກອຸນຫະພູມຂອງມະຫາສະໝຸດທີ່ອຸ່ນຂຶ້ນເລື້ອຍໆ.
ຜົນກະທົບອີກຢ່າງໜຶ່ງຂອງການປ່ຽນແປງສະພາບພູມອາກາດເປັນການປ່ຽນແປງທີ່ບໍ່ສາມາດກັບໄປແກ້ໄຂໄດ້ແລ້ວ ເປັນຕົ້ນແມ່ນລະດັບນໍ້າທະເລທີ່ເພີ່ມສູງຂຶ້ນ ຫຼື ການເປື່ອຍຂອງນໍ້າກ້ອນຢູ່ຂົ້ວໂລກ ເຖິງແມ່ນວ່າມະນຸດຈະພະຍາຍາມຄວາມຄຸມບໍ່ປ່ອຍມົນລະພິດກໍບໍ່ສາມາດເຮັດໃຫ້ສະພາບພູມອາກາດກັບມາເປັນຄືເກົ່າໄດ້.