spot_img
Homeຂ່າວຕ່າງປະເທດຈັບເຈົ້າອາວາດພ້ອມພະໃນວັດ ຊຸມແຊວກິນຊີ້ນດາດ ແລະ ເບຍ

ຈັບເຈົ້າອາວາດພ້ອມພະໃນວັດ ຊຸມແຊວກິນຊີ້ນດາດ ແລະ ເບຍ

Published on

ສຳນັກຂ່າວໄທລັດລາຍງານໃຫ້ຮູ້ໃນວັນທີ 30 ສິງຫາ 2021 ວ່າ ເຈົ້າອາວາດວັດໃນເມືອງຊຽງໃໝ່ ໄດ້ຈັດງານລ້ຽງກິນຊີ້ນດາດກັບພະໃນວັດ ລວມທັງໝົດຈໍານວນ 6 ອົງ ແລະ ປະຊາຊົນອີກ 1 ຄົນ ເຊິ່ງຕອນທີ່ເຂົ້າຈັບກຸມ ພົບເຫັນປ໋ອງເບຍເຕັມຫ້ອງ, ເຈົ້າອາວາດ ແລະ ພະ ທຸກອົງ ໄດ້ຍອມຮັບວ່າໄດ້ດື່ມເບຍແທ້, ຕໍາຫຼວດຈຶ່ງໄດ້ນັດໄປຮັບຊາບຂໍ້ກ່າວຫາ “ມົ້ວສຸມ ຊຸມແຊວໃນລັກສະນະທີ່ມີຄວາມສ່ຽງຕໍ່ການແຜ່ລະບາດຂອງໂຣກ”

ກາງເດິກວັນທີ 29 ສິງຫາ 2021, ຕໍາຫຼວດຈາກສະຖານີຕໍາຫຼວດພູທອນພູພິງຣາຊະນິເວດ ເຂົ້າກວດສອບພາຍໃນວັດປັນເສົາ ຕໍາບົນ ສຣີພູມ ເມືອງ ຊຽງໃໝ່ ພາຍຫຼັງໄດ້ຮັບການຮ້ອງຮຽນວ່າພະໃນວັດຈັດງານລ້ຽງ ຕັ້ງວົງດື່ມເບຍຢ່າງມ່ວນຊື່ນ ສົ່ງສຽງດັງ ບໍ່ຢ້ານຕໍ່ການຜິດວິໄນສົງ ແລະ ຍັງເຂົ້າຄ່າຍຜິດກົດໝາຍ.

ພາບເຈົ້າອາວາດ ແລະ ພະ ຖືກຈັບກຸມໃນຂະນະທີ່ຈັດງານລ້ຽງ, ພາບຈາກ ສຳນັກຂ່າວ ໄທລັດ

ເຈົ້າໜ້າທີ່ໄດ້ເຂົ້າກວດສອບຕາມທີ່ຮັບແຈ້ງ ແລະ ພົບເຈົ້າອາວາດ ແລະ ພະໃນວັດ ລວມທັງໝົດ 6 ອົງ ແລະ ປະຊາຊົນຈໍານວນ 1 ຄົນກຳລັງລ້ອມວົງກິນຊີ້ນດາດພາຍໃນກຸດຕິ ພົບເບຍ ເລະ ເຄື່ອງດື່ມແອວກໍຮໍອື່ນໆຫຼາຍກວ່າ 10 ປ໋ອງຢູ່ໃນຫ້ອງ. ພະທຸກອົງຍອມຮັບວ່າດື່ມແທ້, ເຈົ້າໜ້າທີ່ຈຶ່ງແຈ້ງໃຫ້ທັງໝົດຮັບຊາບຂໍ້ກ່າວຫາ ແລະ ໃຫ້ທຸກຄົນໃນທີ່ເກີດເຫດເປົ່າກວດຫາຄ່າແອວກໍຮໍ ແລະ ພົບວ່າມີຄ່າແອວກໍຮໍໃນກະແສເລືອດ ຈຶ່ງໃຫ້ເຂົ້າມາພົບເຈົ້າໜ້າທີ່ ເພື່ອຮັບຊາບຂໍ້ກ່າວຫາເຊົ້າວານນີ້.

ພາບເຈົ້າອາວາດ ແລະ ພະ ເຂົ້າຮັບຊາບຂໍ້ກ່າວຫາ, ພາບຈາກ ສຳນັກຂ່າວ ໄທລັດ

ຫຼ້າສຸດ ໃນເວລາ 8 ໂມງເຊົ້າຂອງວັນທີ 30 ສິງຫາ 2021, ເຈົ້າອາວາດ ແລະ ພະ ທັງໝົດໄດ້ໄປພົບເຈົ້າໜ້າທີ່ສອບສວນຕາມນັດ ໂດຍມີການຫຼີກລ່ຽງນັກຂ່າວ ແລະ ກໍມີບຸກຄົນອ້າງໂຕເປັນຜູ້ໃກ້ຊິດພະຍາຍາມຂໍປິດຂ່າວ, ໂດຍມື້ວານນີ້ ເຈົ້າໜ້າທີ່ສອບສວນໄດ້ແຈ້ງຄວາມຜິດ ຂໍ້ຫາ ມົ້ວສຸມ ຊຸມແຊວ ໂດຍລັກສະນະທີ່ມີຄວາມສ່ຽງຕໍ່ການແຜ່ລະບາດຂອງໂລກ ຕາມພຣະຣາຊະບັນຍັດໂຣກຕິດຕໍ່ ໂດຍຍັງຢູ່ໃນຂັ້ນຕອນການສອບປາກຄວາມເພີ່ມຕື່ມ.

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...