spot_img
Homeຂ່າວຕ່າງປະເທດຈູດເຄື່ອງໄຫວ້ວັກຊີນໂຄວິດ-19 ສົ່ງໄປໃຫ້ພີ່ນ້ອງທີ່ເສຍຊີວິດແລ້ວ

ຈູດເຄື່ອງໄຫວ້ວັກຊີນໂຄວິດ-19 ສົ່ງໄປໃຫ້ພີ່ນ້ອງທີ່ເສຍຊີວິດແລ້ວ

Published on

ພິທີກໍາທີ່ເປັນວັດທະນະທໍາຂອງຈີນທີ່ສືບທອດກັນມາຫຼາຍກວ່າພັນປີ ເຈ້ຍກົງເຕັກ (ເຈ້ຍເງິນເຈ້ຍທອງ) ໃຫ້ພີ່ນ້ອງທີ່ເສຍຊີວິດໄປແລ້ວ ເພື່ອເປັນການເຮັດບຸນ ແລະ ລະນຶກເຖິງ, ຢູ່ທີ່ມາເລເຊຍ ມີພໍ່ຄ້າຄົນໜຶ່ງໄດ້ຄິດຄົ້ນໄອເດຍໃໝ່ໃຫ້ກັບວິກິດໂຄວິດ-19 ລາວໄດ້ເຮັດ ຊຸດວັກຊີນຈາກເຈ້ຍ ເພື່ອໃຫ້ລູກຫຼານສົ່ງໄປໃຫ້ ພໍ່ຕູ້ ແມ່ຕູ້ ທີ່ເສຍຊີວິດໄປແລ້ວ ໃຫ້ປອດໄພຈາກເຊື້ອໂຄວິດ-19.

ທ້າວ ເລມ່ອນ ພໍ່ຄ້າຊາວມາເລເຊຍໄດ້ໃຫ້ສໍາພາດວ່າ ລາວໄດ້ໄອເດຍນີ້ຫຼັງຈາກເຫັນຂ່າວວ່າມີຄົນຈໍານວນຫຼາຍ ທີ່ສູນເສຍຄົນຮັກຈາກວິກິດການລະບາດຂອງພະຍາດໂຄວິດ-19 ນອກຈາກນີ້ ຍັງມີລູກຄ້າຈໍານວນບໍ່ໜ້ອຍທີ່ຮຽກຮ້ອງໃຫ້ເຂົານັ້ນ ເຮັດເຈ້ຍເປັນວັກຊີນ ເພື່ອທີ່ຈະໄດ້ສົ່ງໄປໃຫ້ພີ່ນ້ອງຜູ້ລ່ວງຫຼັບໃຫ້ໄດ້ວັກຊີນ ແລະ ປອດໄພຈາກໂຄວິດ-19.

ຂ້ອຍຫວັງວ່າສິນຄ້າຂອງຂ້ອຍຈະຊ່ວຍໃຫ້ລູກຄ້າສະບາຍໃຈຂຶ້ນ ຄົນຮັກຂອງພວກເຂົາທີ່ເສຍຊີວິດໄປແລ້ວຈະປອດໄພຈາກເຊື້ອພະຍາດໂຄວິດ-19 ເລມ່ອນກ່າວ.

ເລມ່ອນ ເປີດຮ້ານຂາຍເຈ້ຍເຄື່ອງໄຫວ້ມາໄດ້ 7 ປີແລ້ວ ເຊິ່ງກ່ອນໜ້ານີ້ ລາວເຄີຍເຮັດອາຊີບອອກແບບກຣາບຟິກມາກ່ອນ ລາວບອກວ່າ ລາຍໄດ້ຫຼຸດລົງ 10% ເທົ່ານັ້ນຕັ້ງແຕ່ມີການລະບາດຂອງໂຄວິດ-19 ນັ້ນເປັນເພາະລາວມັກສ້າງສັນຊຸດເຈ້ຍໄຫວ້ແບບໃໝ່ໆ ຂຶ້ນມາເພື່ອຕອບສະໜອງຄວາມຕ້ອງການຂອງລູກຄ້າ.

ທີ່ມາ: thestar.com.my

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...