ເວັບໄຊ VN Express ລາຍງານໃນວັນທີ 19 ສິງຫາມີຜູ້ຕິດເຊື້ອໂຄວິດ-19 ລາຍໃໝ່ໃນຫວຽດນາມສູງເຖິງ 10,639 ຄົນ ຖືເປັນມື້ຂອງການຕິດເຊື້ອໃໝ່ສູງສຸດເທົ່າທີ່ເຄີຍມີມາ ນັບແຕ່ເລີ່ມມີການລະບາດຂອງໄວຣັສໂຄໂຣນາພາຍໃນປະເທດ.
ພື້ນທີ່ 3 ແຫ່ງທີ່ໄດ້ລາຍງານຍອດຜູ້ຕິດເຊື້ອສູງສຸດ ໄດ້ແກ່ ໂຮຈີມິນ 4,425 ຄົນ, ບິ້ງເຊືອງ 3,255 ຄົນ ແລະ ດົງນາຍ 657 ຄົນ ເຊິ່ງປັດຈຸບັນ ຫວຽດນາມມີຜູ້ຕິດເຊື້ອໂຄວິດລວມທັງໝົດ 312,611 ຄົນ, ເສຍຊີວິດ 380 ຄົນ, ແລະ ປິ່ນປົວຫາຍດີ 120,059 ຄົນ.
ປະຊາຊົນຫວຽດນາມປະມານ 16 ລ້ານຄົນໄດ້ຮັບການສັກວັກຊີນປ້ອງກັນພະຍາດໂຄວິດ-19 ເຂັມທີ່ໜຶ່ງ, ຂະນະທີ່ 1.5 ລ້ານຄົນໄດ້ຮັບວັກຊີນຄົບທັງສອງເຂັມ.