ສໍານັກຂ່າວ CNN ລາຍງານວ່າ ວັນທີ 17 ສິງຫາ 2021 ຈໍານວນຜູ້ເສຍຊີວິດຈາກເຫດການແຜ່ນດິນໄຫວຮຸນແຮງລະດັບ 7.2 ແມກນິຈູດ ຢູ່ທີ່ພາກຕາເວັນຕົກສ່ຽງໃຕ້ຂອງປະເທດໄຮຕິ ເພີ່ມຂຶ້ນ 1,419 ສົບແລ້ວ ແລະ ມີຜູ້ໄດ້ຮັບບາດເຈັບອີກຫຼາຍກວ່າ 6,900 ຄົນ ໃນຂະນະທີ່ປະຕິບັດໜ້າທີ່ ກູ້ໄພໄດ້ພະເຊີນອຸປະສັກການຂາດແຄນຊັບພະຍາກອນ ແລະ ຝົນຕົກໜັກ ເຮັດໃຫ້ດິນເຈື່ອນລົງມາກີດຂວາງຫຼາຍເສັ້ນທາງ.
ຕາມການເປີດເຜີຍຂອງອົງກອນ ຢູນິເຊບ ແຜ່ນດິນໄຫວດັ່ງກ່າວ ສົ່ງຜົນກະທົບຕໍ່ປະຊາຊົນໄຮຕິ ຫຼາຍເຖິງ 1,2 ລ້ານຄົນ ໂດຍໃນຈໍານວນນີ້ເປັນເດັກນ້ອຍຫຼາຍເຖິງ 540,000 ຄົນ ຂະນະທີ່ພາຍຸຮ້ອນໄດ້ພັດຜ່ານເຂົ້າມາທີ່ພາກຕາເວັນຕົກຂອງໄຮຕິ ໃນວັນທີ 16 ສິງຫາທີ່ຜ່ານມາ ເຮັດໃຫ້ປະຊາຊົນເຂົ້າເຖິງ ນໍ້າສະອາດ ແລະ ບ່ອນຫຼົບໄພ ໄດ້ຍາກຂຶ້ນອີກ.
ບຣູໂນ ມາສ ຜູ້ແທນຍູນິເຊບປະຈໍາເຮຕິ ກ່າວວ່າ ຕອນນີ້ປະຊາກອນໄຮຕິນັບບໍ່ຖ້ວນທີ່ສູນເສຍທຸກຢ່າງຍ້ອນແຜ່ນດິນໄຫວ ແລະ ກໍາລັງໃຊ້ຊີວິດຢ່າງລໍາບາກ ເນື່ອງຈາກນໍ້າຖ້ວມໜັກ.