ເວັບໄຊ Daily Mail ລາຍງານ: ສະຫະລັດອາເມລິກາໄດ້ໃຊ້ຍົນເຮລີກັອບເຕີ ຂອງກອງທັບລຳລຽງພົນລະເມືອງ ຂອງຕົນອອກຈາກອາຟການິດສະຖານ ພາຍຫຼັງກຸ່ມຕາລີບານເຂົ້າຢຶດເມືອງຫຼວງຂອງປະເທດ ໃນວັນອາທິດຜ່ານມາ ເຮັດໃຫ້ປະຊາຊົນອາຟການິດສະຖານຫຼາຍຮ້ອຍຄົນຫວັງອອກໄປໃຊ້ຊີວິດຢູ່ນອກປະເທດຕັດສິນໃຈເກາະຕິດກັບຍົນ ເຮັດໃຫ້ມີຄົນຕົກລົງມາເສຍຊີວິດສາມລາຍຂະນະທີ່ຍົນລຳດັ່ງກ່າວພວມທະຍານອອກຈາກຣັນເວ ເຊິ່ງທາງກອງທັບຈຳເປັນຕ້ອງຢຸດຕິການເດີນທາງ ພ້ອມປ່ຽນຕາຕະລາງບິນໄປມື້ໃໝ່.
ເຮືອບິນ C-17 ເຮັດໜ້າທີ່ລຳລຽງພົນລະເຮືອນສະຫະລັດອາເມລິກາຈະເລີ່ມດຳເນີນການຄືນໃໝ່ອີກຄັ້ງໃນວັນອັງຄານນີ້ ພາຍຫຼັງການເດີນທາງໃນມື້ວັນຈັນປະສົບຄວາມຫຼົ້ມເຫຼວ ເນື່ອງຈາກມີຜູ້ເສຍຊີວິດເຖິງ 8 ລາຍໃນວັນດຽວຈາກເຫດການສົນລະວົນໃນສະໜາມບິນ ໃນນັ້ນ ທະຫານຂອງສະຫະລັດອາເມລິກາຖືກຍິງເສຍຊີວິດ 2 ລາຍ, ເຄື່ອງບິນໄອພົ່ນຕຳກັນເທິງອາກາດ 3 ລາຍ ແລະ ປະຊາຊົນອາຟການິດສະຖານ 3 ລາຍເສຍຊີວິດຍ້ອນຕົກລົງມາຈາກຍົນຂະນະທີ່ພະຍາຍາມເກາະຕິດລຳຍົນຂອງກອງທັບກ່ອນທະຍານອອກຈາກຣັນເວ.
ເຈົ້າໜ້າທີ່ລະດັບສູງຂອງກອງທັບສະຫະລັດກ່າວວ່າ ກອງທັບສະຫະລັດຖືກຍິງທີ່ສະໜາມບິນ ພ້ອມສັ່ງຫ້າມຖ້ຽວບິນທຸກລຳ ຂະນະທີ່ກຳລັງທະຫານພະຍາຍາມເຄຍພື້ນທີ່ໃນສະໜາມບິນດ້ວຍຍົນເຮລີກັອບແຕອາປາເຊ ພ້ອມຍິງ “ກະສຸນເຕືອນ” ເພື່ອສະຫຼາຍຝູງຊົນຫຼາຍຮ້ອຍທີ່ພະຍາຍາມເກາະຕິດຕາມລຳຍົນຫວັງໜີອອກນອກປະເທດ ແລະມີອີກຫຼາຍຄົນພະຍາມຂັດຂວາງທາງເດີນຂອງຖ້ຽວບິນ ເຮັດໃຫ້ກອງທັບບໍ່ສາມາດອອກເດີນທາງໄດ້.