ວັນທີ 21 ກໍລະກົດ 2021 ສໍານັກຂ່າວ Workpoint ລາຍງານວ່າ ວັນທີ 21 ກໍລະກົດທີ່ຜ່ານມາ ທ່ານ ດຣ ນະຄອນ ເປມສີ ຜູ້ອໍານວຍການ ສະຖາບັນວັກຊີນແຫ່ງປະເທດໄທ ຂໍໂທດປະຊາຊົນ ກໍລະນີຈັດຫາວັກຊີນບໍ່ທັນຕໍ່ສະຖານະການການລະບາດຂອງພະຍາດໂຄວິດ-19 ບໍ່ພຽງພໍ ຢືນຢັນທີ່ຜ່ານມາແມ່ນໄດ້ພະຍາຍາມເຕັມທີ່ແລ້ວ ແລະ ກຽມຮ່ວມ COVAX ຕັ້ງເປົ້າຮັບວັກຊີນປີ 2022
ທ່ານ ດຣ ນະຄອນ ກ່າວຕື່ມວ່າ ໃນປີໜ້າຈະຮີບເລັ່ງຈັດຫາວັກຊີນຮຸ່ນທີ່ 2 ທີ່ສາມາດຮອງຮັບໄວຣັສທີ່ກາຍພັນໄດ້ ເຊິ່ງມີເປົ້າໝາຍຈັດສົ່ງໄດ້ໃນຊ່ວງໄຕມາດທໍາອິດຂອງປີ 2022 ເປັນເປົ້າໝາຍທີ່ຕ້ອງເລັ່ງດໍາເນີນການເພ່ະບໍ່ສາມາດລໍຖ້າໄດ້ ຕ້ອງສັ່ງຈອງໄວ້ລ່ວງໜ້າ
ນອກຈາກນີ້ ຍັງຢູ່ໃນການເຂົ້າຮ່ວມໂຄງການ COVAX ພຽງແຕ່ຍັງບໍ່ມີການລົງນາມໃນການຈັດຫາວັກຊີນຮ່ວມກັນ ສ່ວນນີ້ສະຖາບັນວັກຊີນແຫ່ງຊາດເລີ່ມກຽມການເຈລະຈາປະສານງານໃນການຂໍຈັດຫາວັກຊີນຮ່ວມກັບ COVAX ໂດຍມີເປົ້າໝາຍໄດ້ຮັບວັກຊີນໃນປີ 2022 ຄວບຄູ່ກັບການເຈລະຈາກັບບໍລິສັດຜູ້ຜະລິດດ້ວຍຕົນເອງ ເຊິ່ງຫາກມີຂໍ້ສະຫຼຸບເບື້ອງຕົ້ນທີ່ຊັດເຈນຈະບໍ່ໄດ້ມີການສະເໜີຜ່ານຄະນະເຮັດວຽກທີ່ກ່ຽວຂ້ອງຕໍ່ໄປ