ຜົນການເລືອກຕັ້ງຜູ້ນຳເບຣຊິນຢ່າງເປັນທາງການ ປະທານາທິບໍດີຍິງ ດິນມາ ຣຸສເຊບ ຄອງຕຳແໜ່ງອີກໜຶ່ງສະໄໝ
ສຳນັກຂ່າວຕ່າງປະເທດລາຍງານ ໃນວັນທີ 27 ຕຸລານີ້ວ່າ ຜົນການນັບຄະແນນເລືອກຕັ້ງປະທານາທິບໍດີຂອງເບຣຊິນ
ໄດ້ອອກມາຢ່າງເປັນທາງການ ໂດຍປະກົດວ່າ ທ່ານ ນາງ ດິນມາ ຣຸສເຊບ ໄດ້ຄອງຕຳແໜ່ງເປັນປະມຸກຂອງລັດອີກຄັ້ງ
ຫລັງຈາກໄດ້ຄະແນນ 51% ຈາກຜູ້ລົງຄະແນນສຽງທັງໝົດ ເອົາຊະນະຄູ່ແຂ່ງຢ່າງ ເອຄຶໂອ ເນເວສ ທີ່ໄດ້ພຽງ 48%.
ທັງນີ້ ກ່ອນໄດ້ຮັບໄຊຊະນະໃນການເລືອກຕັ້ງ ຜູ້ນຳຍິງຂອງເບຣຊິນຄົນນີ້ ໄດ້ຜ່ານການປະເຊີນກັບຂໍ້ກ່າວຫາທີ່ກ່ຽວກັບ
ການສໍ້ລາດບັງຫລວງ ແລະ ການປະທ້ວງຕ້ານການເປັນເຈົ້າພາບບານໂລກ ແລະ ສະຫວັດດີການຂອງປະເທດທີ່ຕົກ
ຕ່ຳອີກດ້ວຍ.
ຢ່າງໃດກໍຕາມ ໄຊຊະນະຄັ້ງດັ່ງກ່າວນີ້ ໄດ້ເຮັດໃຫ້ທ່ານ ນາງ ຣຸສເຊບ ຄອງຕຳແໜ່ງປະທານາທິບໍດີຂອງເບຣຊິນອີກສະ
ໄໝໜຶ່ງ ນັບຕັ້ງແຕ່ຖືກເລືອກຕັ້ງດຳລົງຕຳແໜ່ງນີ້ມາແລ້ວໃນປີ 2010.