ກາຍເປັນກະແສທົ່ວໂລກອອນລາຍ ເມື່ອມີການເຜີຍແຜ່ວິດີໂອຈາກກ້ອງວົງຈອນປິດທີ່ບັນທຶກເຫດການໂຈນໄດ້ເຂົ້າໄປກໍເຫດຊິງຊັບໃນຮ້ານອາຫານແຫ່ງໜຶ່ງ ເຊິ່ງແນ່ນອນວ່າມັນສ້າງຄວາມຢ້ານກົວໃຫ້ກັບຜູ້ຄົນເປັນຈໍານວນຫຼາຍ ແຕ່ວ່າມີຊາຍໜຸ່ມຄົນໜຶ່ງທີ່ບໍ່ສົນໃຈຫຍັງເລີຍ ນັ່ງກິນອາຫານຢ່າງດຽວ.
ເຊິ່ງໃນຄິບວິດີໂອສະແດງໃຫ້ເຫັນຕອນທີ່ໂຈນຍ່າງເຂົ້າມາໃນຮ້ານອາຫານ ຈາກນັ້ນກໍສົ່ງສຽງຮ້ອງເພື່ອໃຫ້ຄົນທີ່ຢູ່ໃນຮ້ານສົ່ງສິ່ງຂອງທີ່ມີຄ່າໃຫ້ກັບຕົນເອງ ພ້ອມກັບຍົກປືນຂື້ນມາຂູ່ເຮັດໃຫ້ຜູ້ຄົນທີ່ຢູ່ໃນຮ້ານຕ່າງກໍພາກັນຢ້ານກົວ ແຕ່ວ່າມີຊາຍໜຸ່ມຄົນໜຶ່ງທີ່ມີທ່າທາງບໍ່ຢ້ານກົວ ແລະ ຍັງນັ່ງກິນຂາໄກ່ແບບຊິວໆ ເຖິງວ່າໂຈນຈະເອົາປືນມາຂູ່ຫຼາຍຄັ້ງກໍຕາມ ຫຼັງຈາກນັ້ນຊາຍໜຸ່ມຄົນດັ່ງກ່າວກໍໄດ້ຈົກເອົາໂທລະສັບທີ່ຢູ່ໃນຖົງໂສ້ງອອກມາໃຫ້ກັບໂຈນດ້ວຍທ່າທາງຄືບໍ່ມີຫຍັງເກີດຂື້ນ ເມື່ອໂຈນຄົນດັ່ງກ່າວໄດ້ສິ່ງຂອງມີຄ່າແລ້ວກໍຫຼົບໜີໄປ ສ່ວນຊາຍໜຸ່ມຄົນນັ້ນກໍຍັງຄົງນັ່ງກິນໄກ່ຕໍ່ໄປ.