ເຈົ້າໜ້າທີ່ຂອງສະຫະລັດອາເມລິກາໄດ້ເຂົ້າຄວບຄຸມໂຕ ເດວິດ ເກຣແຮມ ອາຍຸ 37 ປີ ຫຼັງໄດ້ຮັບແຈ້ງວ່າຊາຍໜຸ່ມຄົນດັ່ງກ່າວພະຍາຍາມຂາຍຢາເສບຕິດ ທີ່ຢູ່ດ້ານໜ້າສູນບໍາບັດຜູ້ຕິດຢາເສບຕິດ.
ເມື່ອເຈົ້າໜ້າທີ່ໄດ້ຄົ້ນໂຕກໍພົບເຫັນຂອງກາງເປັນຢາເສບຕິດ ແລະ ເຄື່ອງຜິດກົດໝາຍຫຼາຍຊະນິດທັງ ໂຄເຄນ, ກັນຊາ ພ້ອມກັບອຸປະກອນທີ່ໃຊ້ໃນການເສບຢາເສບຕິດ ແລະ ອາວຸດປືນຈໍານວນໜຶ່ງ.
ຫຼັງຈາກຖືກຄວບຄຸມໂຕໄປ ເດວິດ ເກຣແຮມ ກໍໄດ້ຖືກຕັ້ງຂໍ້ຫາມີສິ່ງເສບຕິດໄວ້ຄອບຄອງ, ດັດແປງພາຫະນະເພື່ອໃສ່ຢາເສບຕິດ ແລະ ຄອບຄອງອາວຸດປືນ ເຊິ່ງມີຄວາມຜິດທາງກົດໝາຍ ແລະ ຕອນນີ້ກໍໄດ້ຕັ້ງຄ່າປະກັນໂຕຢູ່ທີ່ປະມານ 2,696,000,000 ກີບ.