ສະຖານະການທາງດ້ານການເມືອງໃນປະເທດມຽນມາໄດ້ເກີດມີຄວາມຕຶງຄຽດນັບຕັ້ງແຕ່ທີ່ມີການດຮັດລັດຖະປະຫານ ສົ່ງຜົນເຮັດໃຫ້ມີປະຊາຊົນເສຍຊີວິດຈາກການຕໍ່ຕ້ານລັດຖະປະຫານຫຼາຍກວ່າ 877 ຄົນ ແລະ ມີປະຊາຊົນທີ່ຖືກຈັບຂັງອີກຫຼາຍກວ່າພັນຄົນ.

ໃນຂະນະນີ້ທາງສໍານັກງານເພື່ອການປະສານງານດ້ານມະນຸດທໍາຂອງອົງການສະຫະປະຊາຊາດ (OCHA) ໄດ້ເປີດເຜີຍວ່າມີປະຊາຊົນຈໍານວນປະມານ 230,000 ຄົນໃນມຽນມາຕ້ອງໄດ້ອົບພະຍົບຍ້າຍຖິ່ນຖານເພື່ອຫຼີກລ້ຽງເຫດການຄວາມຮຸນແຮງ ແລະ ການສູ້ຮົບທີ່ກໍາລັງເກີດຂື້ນ.

ນອກຈາກນີ້ທາງດ້ານ OCHA ຍັງໄດ້ລະບຸວ່າ ປະຊາຊົນທີ່ອົບພະຍົບໄປນັ້ນຕ້ອງການຄວາມຊ່ວຍເຫຼືອຢ່າງຮີບດ່ວນບໍ່ວ່າຈະເປັນອາຫານ, ທີ່ຢູ່ອາໄສ, ເຄື່ອງໃຊ້ທີ່ຈໍາເປັນພື້ນຖານ, ການເຂົ້າເຖິງການບໍລິການທາງດ້ານສາທາລະນະສຸກ ຕະຫຼອດຈົນຮອດການຄຸ້ມຄອງຕ່າງໆ. ທາງດ້ານໜ່ວຍງານຂອງອົງການສະຫະປະຊາຊາດກໍໄດ້ກໍາລັງຫາວິທີຊ່ວຍເຫຼືອຜູ້ອົບພະຍົບ ແຕ່ກໍຖືກກີດຂວາງຈາກການປະທະກັນດ້ວຍອາວຸດ, ຄວາມຮຸນແຮງ ແລະ ຄວາມບໍ່ໝັ້ນຄົງທີ່ເກີດຂື້ນໃນປະເທດມຽນມາ.