ໃນຕອນເຊົ້າຂອງວັນທີ 24 ມິຖຸນາ 2021 ເວລາປະມານ 1:30 ໄດ້ມີລົດສຸກເສີນເດີນທາງໄປຍັງສະຖານທີ່ເກີດເຫດອາພາດເມັນ 12 ຊັ້ນ ແຄມຊາຍຫາດທາງເໜືອຂອງໄມອາມີທີ່ໄດ້ພັງລົງ ໂດຍມີເຈົ້າໜ້າທີ່ກູ້ໄພປະມານ 80 ຄົນໄດ້ເລັ່ງໃຫ້ຄວາມຊ່ວຍເຫຼືອກັບຜູ້ທີ່ຕິດຢູ່ໃນອາພາດເມັນ ຄາດວ່າມີຄົນເສຍຊີວິດຢ່າງໜ້ອຍ 1 ຄົນ ແລະ ສູນຫາຍປະມານ 99 ຄົນ.
ລ່າສຸດທາງທີມກູ້ໄພສາມາດຊ່ວຍເຫຼືອຜູ້ທີ່ຕິດຢູ່ໃນອາຄານໄດ້ຢ່າງໜ້ອຍ 35 ຄົນ ໂດຍມີຜູ້ໄດ້ຮັບບາດເຈັບຢ່າງໜ້ອຍ 10 ຄົນທີ່ໄດ້ຮັບການປະຖົມພະຍາບານຂັ້ນຕົ້ນຢູ່ໃນທີ່ເກີດເຫດ. ທາງດ້ານນາຍົກລັດຖະມົນຕີຂອງເມືອງໄດ້ລະບຸວ່າມີຜູ້ປະສົບໄພຢ່າງນ້ອຍ 2 ຄົນທີ່ຕ້ອງເຂົ້າຮັບການປິ່ນປົວໃນໂຮງໝໍ ຕໍ່ມາໄດ້ເສຍຊີວິດ 1 ຄົນ ແລະ ປະເມີນໄດ້ວ່າອາດຈະມີຜູ້ເສຍຊີວິດເພີ່ມຂື້ນອີກ.