spot_img
Homeຂ່າວການພັດທະນາລາວ​ຍິນ​ດີ​ຖອດ​ຖອນ​ບົດ​ຮຽນ​ນຳ​ຈີນ ເພື່ອ​ຊຸກ​ຍູ້​ການລຶບ​ລ້າງ​ຄວາມ​ທຸກ​ຍາກ ໃນປະເທດ

ລາວ​ຍິນ​ດີ​ຖອດ​ຖອນ​ບົດ​ຮຽນ​ນຳ​ຈີນ ເພື່ອ​ຊຸກ​ຍູ້​ການລຶບ​ລ້າງ​ຄວາມ​ທຸກ​ຍາກ ໃນປະເທດ

Published on

ອີງຕາມການລາຍງານ ຂອງສຳນັກຂ່າວ CRI-FM93, ທ່ານ​ຫວາງ​ຢີ້​ພົບ​ປະ​ກັບ​ທ່ານ​ສະ​ເຫຼີມ​ໄຊ ກົມ​ມະ​ສິດ
ວັນ​ທີ 8 ມິ​ຖຸ​ນາ​ນີ້, ທ່ານ​ຫວາງ​ຢີ້ ທີ່​ປຶກ​ສາ​ແຫ່ງ​ລັດ ທັງ​ເປັນ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ​ໄດ້​ພົບ​ປະ​ກັບ​ທ່ານ​ສະ​ເຫຼີມ​ໄຊ ກົມ​ມະ​ສິດ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ລາວທີ່​ພວມ​ໄປ​ຢ້ຽມ​ຢ​າມ​ເຮັດ​ວຽກ​ຢູ່​ກຳ​ແພງ​ນະ​ຄອນ​​ຈຸ່ງ​ກິ່ງ.

ທ່ານ​ຫວາງ​ຢີ້ກ່າວ​ວ່າ, ປີ​ນີ້​ແມ່ນ​ປີ​ທີ່​ພັກ​ກອມ​ມູ​ນິດ​ຈີນ​ສ້າ​ງ​ຕັ້ງ​ຂຶ້ນ​ຄົບ​ຮອບ 100 ປີ, ທັງ​ແມ່ນ​ປີ​ທີ່​ຈີນ ແລະ ລາວ​ສ້າງ​ຕັ້ງ​ສາຍ​ພົວ​ພັນ​ທາງ​ການ​ທູດ​ຄົບ​ຮອບ 60 ປີ, ທັງ​ເປັນ​ປີ​ມິດ​ຕະ​ພາບ​ຈີນ​-ລາວ. ເມື່ອ​ຫວນ​ຄືນ​ປະ​ຫວັດ​ສາດ​ແຫ່ງ​ການ​ໄປ​ມາ​ຫ​າ​ສູ່​ກັນ​ລະ​ຫວ່າງ​ສອງ​ພັກ ສອງ​ລັດ, ສອງ​ຝ່າຍໄດ້​ມີ​ອຸ​ດົມ​ການ​ດຽວ​ກັນ ແລະ ຊ່ວຍ​ຊູ​ຍູ້​ໜູນ​ກັນ, ມິດ​ຕະ​ພາບ​ອັນ​ເປັນ​ມູນ​ເຊື້ອ​ໄດ້​ຍົກ​ລະ​ດັບ​ໃຫ້​ສູງ​ຂຶ້ນ​ເລື້ອຍໆ, ການ​ຮ່ວມ​ມື​ແບບ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ​​ກໍນັບ​ມື້​ນັບ​ກ້າວ​ສູ່​ລວງ​ເລິກ, ຖື​ວ່າ​ເປັນ​ແບບ​ຢ່າງ​ທີ່​ດີ​ໃນ​ການ​ສ້າງ​ຄູ່​ຮ່ວມ​ຊາ​ຕາ​ກຳ.

ທ່ານ​ຫວາງ​ຢີ້​ກ່າວ​ຕື່ມ​ວ່າ, ສອງ​ຝ່າຍຄວນເພີ່ມ​ທະ​ວີ​ການ​ເຊື່ອມ​ຈອດ​ຍຸດ​ທະ​ສາດ​​ການພັດ​ທະ​ນາ​ຕື່ມ​ອີກ, ເສີມ​ຂະ​ຫຍາຍ​ບົດ​ບາດ​ນຳ​ໜ້າ​ຂອງ​ແລວ​ເສດ​ຖະ​ກິດ​ຈີນ-ລາວ, ສ້າງ​ຈຸດ​ເຕີບ​ໂຕ​ອັນ​ໃໝ່​ພາຍ​ໃຕ້​ສະ​ພາບ​ການ​​ຂອງການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19. ຈີນ​ຍິນ​ດີ​ແບ່ງ​ປັນ​ໂອ​ກາດ​ທີ່​ເກີດ​​ຈາກ​ການ​ເປີດກວ້າງ​ຕະຫຼາດ​ພາຍ​ໃນ​ປະ​ເທດ​ຂອງ​ຈີນ​ຮ່ວມມ​ກັບ​ປະ​ເທດ​ລາວ, ນຳ​ເຂົ້າ​ຜະ​ລິດ​ຕະ​ພັນ​ທີ່​ມີ​ທ່າ​ແຮງ​ຂອງ​ລາວ​ໃຫ້ຫຼາຍກວ່າ​ເກົ່າ. ທາງ​ລົດ​ໄຟ​ຈີນ-ລາວ​ແມ່ນ​ໂຄງ​ການ​ແບບ​ຢ່າງ​ໃນຂອບ “ໜຶ່ງ​ແລວ​ໜຶ່ງ​ເສັ້ນ​ທາງ” ແລະ​ແມ່ນ​ສັນ​ຍາ​ລັກ​ຂອງ​ມິດ​ຕະ​ພາບ​ຈີນ-ລາວ, ຄວນ​ສຸມ​ຄວາມ​ພະ​ຍາ​ຍາມ​ຮ່ວມ​ກັນ ເພື່ອ​ຮັບ​ປະ​ກັນ​​ໃຫ້ການ​​ກໍ່ສ້າງສຳ​ເລັດ​ຕາມ​ເວ​ລາ​ກຳ​ນົດ, ພ້ອມ​​ດຽວກັນ​​ນີ້ ກໍ​ຄວນ​ເລັ່ງ​ລັດ​ອອກ​ແບບ​ການ​ພັດ​ທະ​ນາ​ລຽບ​ຕາມ​ເສັ້ນ​ທາງ​ລົດ​ໄຟ, ເພື່ອ​ເສີມ​ຂະ​ຫຍາຍ​ປະ​ສິດ​ທິ​ຜົນ​ສັງ​ລວມ​ຂອງ​ທາງ​ລົດ​ໄຟດັ່ງ​ກ່​າວ.

ທ່ານ​ສະ​ເຫຼີມ​ໄຊ ກົມ​ມະ​ສິດ​ກ່າວ​ວ່າ, ພັກ ແລະ ລັດ​ຖະ​ບານ​ລາວ​ຍິນ​ດີ​ຖອດ​ຖອນ​ບົດ​ຮຽນ​ນຳ​ຈີນ ເພື່ອ​ຊຸກ​ຍູ້​ການລຶບ​ລ້າງ​ຄວາມ​ທຸກ​ຍາກ ແລະ ການ​ພັດ​ທະ​ນາ​ແບບ​ຍືນ​ຍົງ​ຢູ່​ໃນ​ປະ​ເທດ​ລາວ. ລາວ​ເຫັນ​ດີ​ຖະ​ນຸ​ຖະ​ໜອມ ແລະ​ເຊີດ​ຊູ​​ຄ່າ​ນິ​ຍົມອາ​ຊີ. ອະ​ລິ​ຍະ​ທຳ​ອາ​ຊີ​ມີ​ປະ​ຫວັດ​ສາດ​ອັນ​ຍາວ​ນານ, ພວກ​ເຮົາ​ຄວນ​ສ້າງ​ຄວາມ​ໝັ້ນ​ໃຈ​ຕໍ່​ອະ​ລິ​ຍະ​ທຳ​ຂອງ​ຕົນ, ປະ​ກອບ​ສ່ວນ​ອັນ​ໃໝ່​ເຂົ້າ​ໃນຄວາມກ້າວ​ໜ້າ​ຂອງມວນ​ມະ​ນຸດ.

ບົດຄວາມຫຼ້າສຸດ

ຮັດແໜ້ນສາຍພົວພັນມິດຕະພາບ ລາວ-ຫວຽດນາມ ລົງນາມເອກະສານ ການສ້າງຕັ້ງມະຫາວິທະຍາໄລມິດຕະພາບ ລາວ-ຫວຽດນາມ ຢູ່ ສປປ ລາ

ໂດຍຕອບສະໜອງ ຕາມຄຳເຊື້ອເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ສະຫາຍ ໂຕ...

ສະໜອງທຶນການສຶກສາ ລາວ-ຮົງກາລີ ໄດ້ຮ່ວມກັນລົງນາມ ບົດບັນທຶກການຮ່ວມມືພາຍໃຕ້ຂອບໂຄງການສະໜອງທຶນ ການສຶກສາຮົງກາລີ ໄລຍະປີ 2026-2028

ໂດຍຕອບສະໜອງຕາມຄໍາເຊີນຂອງ ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ທ່ານ ປີເຕີ ຊີຢາໂຕ (Péter SZIJJÁRTÓ) ລັດຖະມົນຕີກະຊວງການຕ່າງປະເທດ...

ເຂົ້າຍຶດສິນຄ້າປອມ ເຈົ້າໜ້າທີ່ໄທເຂົ້າຍຶດສິນຄ້າປອມ ປະເພດຢາສະຫົວ, ຄີມອາບນໍ້າ ແລະ ຢາສີຟັນ ທີ່ຈັງຫວັດສະໝຸດສາຄອນ ປະເທດໄທ

ລາຍງານຈາກສຳນັກຂ່າວປະເທດໄທ ເມື່ອບໍ່ດົນມານີ້, ເຈົ້າໜ້າທີ່ CIB ເຂົ້າກັກໂຕ ນາງ Sank ສັນຊາດມຽນມາ. ຢູ່ຕໍາບົນນາດີ, ອໍເພີສະມຸດສາຄອນ, ຈັງຫວັດສະມຸດສາຄອນ. ໂດຍສາມາດຍຶດສິນຄ້າພາຍໃນສາງຫຼາຍກວ່າ 200,000 ອັນ...

ສະຫາຍ ໂຕ ເລິມ ເລຂາທິການໃຫຍ່ພັກກອມມູນິດຫວຽດນາມ ໄດ້ເດີນທາງມາເຖິງ ສປປ ລາວ ໃນຕອນເຊົ້າວັນທີ 05 ກຸມພາ 2026

ສະຫາຍ ໂຕ ເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ພ້ອມຄະນະຜູ້ແທນຂັ້ນສູງຂອງພັກ, ລັດ ແຫ່ງ ສສ ຫວຽດນາມ ໄດ້ເດີນທາງມາເຖິງສະໜາມບິນສາກົນວັດໄຕ, ນະຄອນຫຼວງວຽງຈັນ ໃນຕອນເຊົ້າວັນທີ 05 ກຸມພາ...