ໃນວັນທີ 9 ມິຖຸນາ 2021 ສຳນັກຂ່າວຕ່າງປະເທດລາຍງານວ່າ ປະທານາທິບໍດີຝຣັ່ງ ທ່ານ ເອັມມາ ມາຄົງ ຖືກຊາຍຜູ້ໜຶ່ງຕົບໜ້າໃນຂະນະທີ່ກຳລັງທັກທາຍປະຊາຊົນໃນລະຫວ່າງການລົງຢຽມຢາມທີ່ນອກເມືອງວາລອງ (Valence) ທາງຕະເວັນອອກສຽງໃຕ້ຂອງປະເທດ.
ວິດີໂອທີ່ເຜີຍແຜ່ທາງໂຊຊຽວມີເດຍສະແດງໃຫ້ເຫັນເຖິງພາບຂອງທ່ານ ມາຄົງທີ່ຢູ່ລະຫວ່າງການເດີນທາງໄປຊຸມຊົນຕະລາມິຕາຊ (Tain-l’Hermitage) ນອກເມືອງວາລອງ (Valence) ໄດ້ຖືຊາຍຄົນໜຶ່ງທີ່ເພິ່ນມືນຳຕົບໜ້າ ແລະ ມີສຽງຮ້ອງວ່າ “ລະບອບມາຄົງຈົ່ງລົ້ມສະຫຼາຍ” ກ່ອນທີ່ເຈົ້າໜ້າທີ່ຮັກສາຄວາມປອດໄພຈະກັນຕົວປະທານາທິບໍດີອອກໄປ ແລະ ເຂົ້າຈັບກຸມຊາຍຄົນດັ່ງກ່າວ.
ສື່ຂ່າວຂອງປະເທດຝຣັ່ງລາຍງານ ມີຊາຍສອງຄົນຖືກເຈົ້າໜ້າທີ່ຄຸມຕົວໄປຫຼັງເຫດການສະຫຼງົບລົງ ທ່ານ ມາຄົງ ໄດ້ຍ່າງກັບໄປທັກທາຍປະຊາຊົນອີກຄັ້ງ.
ເຖິງແນວໃດກໍ່ຕາມ, ໃນເບື້ອງຕົ້ນຍັງບໍ່ຮູ້ສາເຫດ ຫຼື ແຮງຈູງໃຈຂອງຊາຍຄົນດັ່ງກ່າວທີ່ຕົບໜ້າປະທານາທິບໍດີ ແຕ່ກຳລັງເລັ່ງສືບສວນເຖິງສາເຫດທີ່ແທ້ຈິງຂອງການທຳຮ້າຍຮ່າງກາຍປະທານາທິບໍດີຝຣັ່ງໃນຄັ້ງນີ້.
ຮຽບຮຽງຂ່າວ: ພຸດສະດີ