spot_img
Homeສຸຂະພາບ ແລະ ສີ່ງແວດລ້ອມເຫດຜົນທີ່ຄວນກິນໄຂ່ເປັນອາຫານເຊົ້າ

ເຫດຜົນທີ່ຄວນກິນໄຂ່ເປັນອາຫານເຊົ້າ

Published on

egg

ໄຂ່ 1 ໜ່ວຍ ​ມີ ​ຄໍ​ເລດ​ເຕີ​ລໍ ​ຫລາຍ​ເຖິງ 210 ມິລິ​ກຣາມ​ ແຕ່​ຜົນ​ວິ​ໄຈ​ພົບ​ວ່າ ຄົົນທີ່​ກິນ​ໄຂ່​ອາທິດ​ລະ 4 ໜ່ວຍ​ມີ​ຄໍ​ເລດ​ເຕີ​ລໍ​ຕ່ຳ​ກວ່າ​ຄົນທີ່​ກິນ​ໄຂ່​ອາທິດ​ລະ 1 ໜ່ວຍ​ຫລື ​ບໍ່​ກິນ​ໄຂ່​ເລຍ

ກົນ​ໄກ​ທີ່​ອາດ​ເປັນ​ໄປ​ໄດ້​ຄື ໄຂ່​ມີ​ໂປ​ຕີນ​ສູງ​ ແລະ ​ມີ​ໄຂ​ມັນ​ອີ່ມ​ໂຕ​ຂ້ອນ​ຂ້າງ​ຕ່ຳ ເຮັດໃຫ້​ອີ່ມ​ດົນ ແລະ ​ຄວາມ​ອີ່ມ​ນີ້​ເອງ​ມີ​ສ່ວນ​ເຮັດໃຫ້​ກິນ​ອາຫານ​ທີ່​ມີ​ໄຂ​ມັນ​ສູງ ເຊັ່ນ ຊີ້ນ ອາຫານ​ປະ​ເພດ ຂົ້ວ ຈືນ ແລະ ອື່ນໆ ຫລຸດລົງ

ຜູ້​ຮ້າຍ​ໂຕແທ້​ທີ່​ເຮັດໃຫ້​ ຄໍ​ເລດ​ເຕີ​ລໍ ​ຫລື ​ໄຂ​ມັນ​ໃນ​ເລືອດ​ສູງ​ຄື ໄຂ​ມັນ​ອີ່ມ​ໂຕ ເຊັ່ນ ກະ​ທິ ນ້ຳ​ມັນ​ປາມ ນ້ຳ​ມັນ​ໝາກ​ພ້າວ ນ້ຳ​ມັນ​ໝູ ການ​ກິນ​ຊີ້ນຫລາຍ​ເກີນໄປ ແລະ ອື່ນໆ ແລະ ​ທີ່​ຮ້າຍ​ທີ່ສຸດ​ຄື ໄຂ​ມັນ​ຊານ ​ຫລື ​ໄຂ​ມັນ​ແປ​ສະພາບ ເຊິ່ງ​ສ່ວນ​ໃຫຍ່​ມາ​ຈາກ​ການ​ນຳ​ໄຂ​ມັນ​ພືດ​ໄປ​ເຕີມ​ໄຮ​ໂດ​ເຈນ ເຮັດໃຫ້​ເກີດ​ເປັນ​ ເນີຍ​ຂາວ ເນີຍ​ທຽມ ຄີມ​ທຽມ (ຄໍ​ຟີເມດ) ທີ່​ໃຊ້​ເຮັດ ​ເບ​ເກີ​ລີ ຂະໜົມ​​ກອບໆ ອາຫານ​ຟາດ​ຟູດ

ແນວ​ທາງ​ໃນ​ການ​ລຸດ ​ຄໍ​ເລດ​ເຕີ​ລໍ ​ຫລື ​ໄຂ​ມັນ​ໃນ​ເລືອດ​ຫລັກ​ຄື ການ​ຫລຸດ​ໄຂ​ມັນ​ອີ່ມ​ໂຕ​ ແລະ ​ໄຂ​ມັນ​ຊານ ຮອງ​ລົງ​ໄປ​ຄື ການ​ອອກ​ແຮງອອກ​ກຳ​ລັງ​ໃຫ້​ຫລາຍ​ພໍ​ເປັນ​ປະຈຳ ແລະ ​ການ​ກິນ​ອາຫານ​ທີ່​ມີ ​ຄໍ​ເລດ​ເຕີ​ລໍ​ໃຫ້​ນ້ອຍ​ລົງ

2. ໄຂ່​ມີ​ ໂຄ​ລີນ​ ສູງ​ເຖິງ 30% ຂອງ​ປະລິມານ​ທີ່​ຮ່າງກາຍ​ຕ້ອງ​ການ​ໃນ 1 ມື້ ເຊິ່ງ ​ໂຄ​ລີນ​ ເປັນ​ສານ​ປະກອບ​ທີ່​ຊ່ວຍ​ເສີມ​ຄວາມ​ຈຳ​ໃຫ້​ດີ​ຂຶ້ນ ແລະ ​ຍັງ​ປ້ອງ​ກັນ​ເສັ້ນ​ເລືອດ​​ຕັນ​ໄດ້ນໍາ​ອີກ​

ໄຂ່ 1 ໜ່ວຍ​ໃຫ້​ ໂຄ​ລີນ ​ຫລາຍ​ປະ​ມານ 30% ຂອງ​ປະລິມານ​ທີ່​ຮ່າງກາຍ​ຕ້ອງ​ການ​ໃນ 1 ມື້ ການ​ກິນ​ໄຂ່​ຈຶ່ງ​ຄື​ການ​ຊື້ “ປະ​ກັນ​ຊີວິດ” ໃນ​ເລື່ອງ​ອາຫານ​ຄຸນຄ່າ​ສູງ​ວ່າ ໂອ​ກາດ​ຂາດ​ສານ​ອາຫານ​ຈະຫ​ລຸດລົງ​ໄປ​ຫລວງຫລາຍ

ໂຄ​ລີນ (choline) ເປັນ​ອົງ​ປະກອບ​ຂອງ​ ຝາ​ເຊລຕ່າງໆ ທົ່ວ​ຮ່າງກາຍ ໂດຍ​ສະເພາະ​ ຝາ​ເຊລ​ຂອງ​ສະຫມອງ​ ແລະ​ເຊລ​ປະສາດ ເປັນ​ອົງ​ປະກອບ​ຂອງ​ສານ​ສື່​ປະສາດ​ທີ່​ສະຫມອງ​ໃຊ້​ໃນ​ການ​ສື່​ສານ​ພາຍ​ໃນ (ຄືໆ ຈຸດ​ເຊື່ອມ​ ຫລື router ຂອງ​ເຄືອ​ຂ່າຍ​ອິນ​ເຕີ​ເນັດ) ຄຸນສົມບັດ​ພິເສດ​ອີກ​ຢ່າງ​ໜຶ່ງ​ຂອງ​ ໂຄ​ລີນ ​ຄື ມັນ​ອອກ​ລິດ​ຕ້ານ (ຫລຸດ) ການ​ອັກ​ເສບ ຫລື ​ປ້ອງ​ກັນ​ບໍ່​ໃຫ້​ທາດ​ໄຟ​ໃນ​ຮ່າງກາຍ​ເກີດຂຶ້ນອີກ​ໄດ້​ໃນ​ລະ​ດັບ​ໜຶ່ງ

ການ​ອັກ​ເສບ​ນີ້​ມີ​ຜົນ​ຫລາຍ​ເປັນ​ພິເສດ​ທີ່​ ຝາ​ຫລອດ​ເລືອດ ເນື່ອງ​ຈາກ​ຝາ​ຫລອດ​ເລືອດ​ທີ່​ມີ​ການ​ອັກ​ເສບ​ຈະ​ບວມ ແລະ ​ສູນ​ເສຍ​ຄວາມ “ລຽບມື່ນ ເຮັດໃຫ້​ຄາບ​ໄຂ​ມັນ​ໄປ​ພອກ ຫລື​ ເກັດ​ເລືອດ​ໄປ​ເກາະ​ກຸ່ມ​ໄດ້​ງ່າຍ

3. ໄຂ່​ແດງ​ຊ່ວຍ​ບຳ​ລຸງ​ສາຍ​ຕາ ເພາະ​ມີ​ສານ​ ລູ​ທີນຊີ​ແຊນ​ທີນ ເຮັດໃຫ້​ຄວາມ​ສ່ຽງ​ເປັນ​ພະຍາດ​ຕາ​ເສື່ອມ​ສະພາບ ຫລື ​ຕາບອດ​ໃນ​ຄົນ​ສູງ​ອາ​ຍຸ

ລູ​ທີນຊີ​ແຊນ​ທີນ​ ເປັນ​ສານ​​ພຶດຕິກໍາເຄ​ມີ ​ຫລື ​ສານ​ຄຸນຄ່າ​ພືດ​ຜັກ​ກຸ່ມ “ສີ​ເຫລືອງ” ຊ່ວຍ​ປ້​ອງ​ກັນ​ຈໍ​ຮັບ​ພາບ (retina / ເລ​ທິ​ນາ) ໂດຍ​ເຮັດ​ຫນ້າທີ່​ເປັນ​ໂຕຕອງ (ຄື​  ກັບ​ເປັນ​ແວ່ນ​ກັນ​ແດດ​ຊັ້ນ​ດີ) ແສງ​ສີ​​ຟ້າ ແລະ ​ລັງສີ UV (ອຸນ​ຕາ​ໄວ​ໂອ​ເລດ / ultraviolet) ເຮັດໃຫ້​ຄວາມ​ສ່ຽງ (ໂອ​ກາດ​ເປັນ) ພະຍາດ​ຕາ​ເສື່ອມ​ສະພາບ ຫລື​ຕາບອດ​ໃນ​ຄົນ​ສູງ​ອາ​ຍຸ (age-related macular degeneration / ARMD) ຫລຸດລົງ

ແນ່ນອນ​ວ່າ ການ​ຫລີກ​ລ້ຽງ​ແສງ​ແດດ​ກ້າ ແສງ​ໄຟ​ກ້າ ຫລື ​ການ​ຢູ່​ໜ້າ​ຈໍ TV, ຈໍ​ຄອມພິວເຕີ​ດົນ​ໆ ເປັນ​ການ​ດີ​ທີ່ສຸດ​ວ່າ ຖ້າ​ຈຳ​ເປັນ​ຕ້ອງ​ເຮັດວຽກ​ກາງ​ແດດ ເບິ່ງໂທລະພາບ​ ຫລື ​ເຮັດວຽກ​ໜ້າ​ຈໍ​ຄອມພິວເຕີ ​ມື້​ລະ​ດົນ​ໆ ການ​ພັກ​ສາຍ​ຕາ​ຢ່າງ​ນ້ອຍ​ທຸກ​ໆ 1-2 ຊົ່ວ​ໂມງ ແລະ ​ການ​ກິນ​ອາຫານ​ທີ່​ມີ​ລູ​ທີນຊີ​ແຊນ​ທີນ​ສູງ ເຊັ່ນ ຜັກ​ໃບ​ຂຽວ (ເຊັ່ນ ບອັກໂຄລີ ​ແລະ ອື່ນໆ) ຖົ່ວ​ທີ່​ມີ​ສີ​ຂຽວ ສາລີ ​ແລະ ອື່ນໆ ກໍ​ຊ່ວຍ​ໄດ້​ຫລາຍ

4. ໄຂ່​ຊ່ວຍ​ຫລຸດ​ຄວາມ​ຕຸ້ຍ ເນື່ອງ​ຈາກ​ມີ​ໂປ​ຕີນ​ສູງ ເຮັດໃຫ້​ອີ່ມດົນ

ການສຶກສາ​ທີ່​ຜ່ານມາ​ພົບ​ວ່າ ຄົົນທີ່​ກິນ​ໄຂ່​ເປັນ​ອາຫານ​ເຊົ້າ​ມີ​ໂອ​ກາດ​ຫລຸດ​ນ້ຳ​ໜັກ​ ແລະ​ເສັ້ນ​ຮອບ​ແອວ​ສຳ​ເລັດ​ຫລາຍກວ່າ​ ຄົົນທີ່​ກິນ​ຂະໜົມ​ປັງ​ເປັນ​ອາຫານ​ເຊົ້າ ກົນ​ໄກ ​ທີ່​ອາດ​ເປັນ​ໄປ​ໄດ້​ຄື ໄຂ່​ມີ​ໂປ​ຕີນ​ຄຸນນະພາບ​ສູງ ເຮັດໃຫ້​ອີ່ມ​ດົນ ແລະ ​ຢ່າ​ລືມ​ວ່າ ບໍ່ແມ່ນ​ກິນ​ອາຫານ​ສໍ່າເກົ່າ​ແລ້ວ​ເສີມ​ໄຂ່​ເຂົ້າໄປ ແຕ່​ຕ້ອງ​ໃຊ້​ຫລັກ “ອາຫານ​ທົດ​ແທນ” ນໍາ ຄື ກິນ​ໄຂ່​ເຂົ້າໄປ ແລ້ວ​ຫລຸດ​ອາຫານ​ຢ່າງ​ອື່ນ​ໃຫ້ໜ້ອຍ​ລົງ​ຈຶ່ງ​ຈະ​ໄດ້​ຜົນ

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...