ສຳນັກງານກວດສຸຂະພາບແຫ່ງຊາດ ນະຄອນ ອອດໂລ ປະເທດນໍເວ ໄດ້ສຶກສາໃນປະຊາຊົນຊາວເມືອງ ເບີເກນ ໃນເລື່ອງຄວາມສຳພັນລະຫວ່າງດັດສະນີມວນກາຍກັບສຸຂະພາບ ພົບວ່າ ຜູ້ຍິງທີ່ມີນ້ຳໜັກໜ້ອຍເກີນໄປມີຄວາມສ່ຽງສູງຕໍ່ການລຸລູກ ເພາະຮວຍໄຂ່ເຮັດວຽກຜິດປົກກະຕິ ແລະ ຄົົນທີ່ອົດອາຫານເພື່ອຄວບຄຸມນ້ຳໜັກມັກໄດ້ຮັບສານອາຫານຈຳເປັນບໍ່ພຽງພໍ ເຮັດໃຫ້ຮ່າງກາຍຂາດສົມດຸນ ການເຮັດວຽກງານຂອງ ຮໍໂມນ ແລະ ລະບົບຕ່າງໆເຮັດວຽກຜິດປົກກະຕິ ເຊັ່ນ ອາດຂາດຮໍໂມນເອດໂຕເຈນ ເຮັດໃຫ້ປະຈຳເດືອນມາບໍ່ປົກກະຕິ ແລະ ເປັນພະຍາດກະດູກຜ່ອຍໄດ້ງ່າຍ ເພາະຫນ້າທີ່ໜຶ່ງຂອງ ຮໍໂມນ ເອດໂຕເຈນ ຄືນຳ ພາແຄຊຽມໄປທີ່ກະດູກ
ແລະ ງານວິໄຈຍັງພົບອີກວ່າ ຄົົນທີ່ມີນ້ຳໜັກໂຕນ້ອຍເກີນໄປເຮັດໃຫ້ສະຫມອງຕ້ອງເຮັດວຽກໜັກ ເພາະສະຫມອງເຮັດວຽກໂດຍອາໄສນ້ຳຕານ ກູໂຄດ ເປັນພະລັງງານ ຖ້າອົດອາຫານເພື່ອຫລຸດນ້ຳໜັກຈົນເຮັດໃຫ້ຮ່າງກາຍໄດ້ຮັບ ກູໂຄດ ບໍ່ພຽງພໍ ສະຫມອງຈຶ່ງສ້າງສານ ໂດປາມີນ ເພື່ອເພີ່ມການສົ່ງຄຳສັ່ງໄປຫາກ້າມຊີ້ນ ສະຫມອງຈຶ່ງຕ້ອງເຮັດວຽກໜັກຂຶ້ນ ຖ້າບໍ່ຢາກໃຫ້ສະຫມອງເຮັດວຽກໜັກໂດຍບໍ່ຈຳເປັນ ແລະໂລກໄພຈາກຄວາມຈ່ອຍມາເຍືອນເຮົາມີເຕັກນິກການ ເພີ່ມນ້ຳໜັກ ມາຝາກ
- ເນັ້ນກິນອາຫານທີ່ເພີ່ມພະລັງງານເຊັ່ນ ແປ້ງ ນ້ຳຕານ ຜັກ ຫມາກໄມ້ ໃຫ້ຫລາຍກວ່າເກົ່າ ແຕ່ຄວນໃຫ້ໝຸນວຽນແຕ່ລະຊະນິດ ແລະ ການເພີ່ມນ້ຳໜັກທີ່ດີຄວນເພີ່ມບໍ່ເກີນອາທິດລະ5 – 1 ກິໂລກຣາມ ຢ່າງສະມໍ່າສະເໝີ
- ກິນອາຫານໃຫ້ໄດ້ສັດສ່ວນທັງຄາໂບໄຮເດດ ໂປຕີນ ໄຂມັນ ແທນທີ່ຈະເພີ່ມແຕ່ ຂອງຫວານໆມັນໆ ຢ່າງທີ່ນິຍົມກັນ ເພາະຖ້າເພີ່ມນ້ຳໜັກວິທີນັ້ນຈະໄດ້ເປັນໄຂມັນ ສະສົມຕາມ ໜ້າທ້ອງ ຕົ້ນຂາ
- ເລືອກອາຫານຊະນິດທີ່ໃຫ້ພະລັງງານສູງແຕ່ຈານບໍ່ໃຫຍ່ຫລາຍເຊັ່ນ ລະຫວ່າງ ສະຫລັດຜັກກັບໄຂ່ດາວກັບສະເຕັກປາ ສະເຕັກປາອາດຈະໃຫ້ພະລັງງານຫລາຍກວ່າຂະນະທີ່ກິນໃນປະລິມານທີ່ນ້ອຍກວ່າ
- ເພີ່ມຄາບຍ່ອຍລວມເປັນ 4 – 6 ຄາບ ຕໍ່ ມື້ໂດຍເພີ່ມຄາບອາຫານວ່າງເຂົ້າໄປ ເຊັ່ນ ຊາລາເປົາໄສ້ຖົ່ວດຳ 1 ອັນ ນ້ຳໝາກກ້ຽງສົດ 1 ຈອກ ຫລື ໝາກຖົ່ວດິນຕົ້ມ
ເພີ່ມວິຕາມິນ ແລະ ເກືອແຮ່ ໂດຍສະເພາະວິຕາມິນບີລວມ ຈະຊ່ວຍເພີ່ມຄວາມຢາກອາຫານ ແລະ ຊ່ວຍເຜົາຜານອາຫານໃນຮ່າງກາຍໃຫ້ເປັນພະລັງງານ - ກ່ອນເວລາອາຫານໃຫ້ຍ່າງ ຫລື ເຮັດກິດຈະກຳເບົາໆເພື່ອຊ່ວຍເອີ້ນຄວາມຢາກອາຫານ ແຕ່ຖ້າເຮັດກິດຈະກຳໜັກ ແລະ ດົນເກີນໄປຮ່າງກາຍຈະອ່ອນເພຍ ແລະ ເໝື່ອຍເກີນໄປຈົນກິນຫຍັງບໍ່ລົງ ຫລື ຈະກິນແກງຈືດ ອຸ່ນໆ ເພື່ອເອີ້ນນ້ຳຍ່ອຍກ່ອນອາຫານ
- ອອກກຳລັງກາຍອາທິດລະ 3 ເທື່ອ ຮ່ວມກັບເພີ່ມອາຫານໂປຕີນ ເຊັ່ນ ໂປຕີນຈາກຖົ່ວ ປາ ແລະ ອາຫານທະເລ ຈະຊ່ວຍເພີ່ມກ້າມຊີ້ນ ແລະ ໄດ້ຫົວໃຈທີ່ແຂງແຮງ ແລະ ເພີ່ມຄວາມຢາກອາຫານ ຄົນຈ່ອຍທີ່ຄິດວ່າ ອອກກຳລັງກາຍຈະຍິ່ງເຮັດໃຫ້ຈ່ອຍລົງ ເປັນຄວາມຄິດທີ່ຜິດນະ
- ສັງເກດວ່າ ສິ່ງແວດລ້ອມແບບໃດທີ່ຊ່ວຍໃຫ້ຈະເລີນອາຫານແລ້ວພະຍາຍາມສ້າງບັນຍາກາດ ເຊັ່ນນັ້ນ ໃນການຮັບປະທານອາຫານ ເຊັ່ນ ໂຕະອາຫານທີ່ຈັດບັນຍາກາດໃຫ້ໜ້າຮັກ ຫລື ຖ້ວຍລາຍໜ້າຮັກ
- ນອນຫລັບພັກຜ່ອນໃຫ້ພຽງພໍເພາະຂະນະຫລັບຮ່າງກາຍຈະໃຊ້ພະລັງງານໜ້ອຍລົງ
- ຕ້ອງຕັ້ງໃຈ ແລະ ສັນຍາກັບຕົນເອງວ່າ ຈະຕ້ອງເພີ່ມນ້ຳໜັກໃຫ້ສຳເລັດແລະ ຄວນໃຫ້ລາງວັນກັບໂຕເອງເປັນໄລຍະ ເມື່ອເພີ່ມນ້ຳໜັກໄດ້ສຳເລັດ