ນັກແລ່ນ 21 ຄົນເສຍຊີວິດເນື່ອງຈາກສະພາບອາກາດທີ່ຮ້າຍແຮງແບບບໍ່ຄາດຝັນໃນລະຫວ່າງການແຂ່ງຂັນແລ່ນມາລາທອນຂອງຈີນ.
ສຳນັກຂ່າວຈີນບາງສຳນັກລາຍງານເມື່ອວັນອາທິດວ່າມີຜູ້ເສຍຊີວິດ 21 ຄົນ ຫຼັງຈາກຖືກໝາກເຫັບ, ຝົນເຢັນແຂງ ແລະ ລົມແຮງປະທະຂະບວນນັກແລ່ນທີ່ເຂົ້າຮ່ວມການແຂ່ງຂັນແລ່ນວິບາກຂ້າມພູເຂົາແບບຄຣອສ-ຄັນທຣີ ໃນໄລຍະທາງ 100 ກິໂລແມັດໃນມົນທົນການຊູ່ ເຊິ່ງກ່ອນໜ້ານີ້ສະພາບອາການແມ່ນແຈ່ມໃສດີບໍ່ມີທ່າທີຈະເກີດການແປປວນ.
ນັກແລ່ນຄົນໜຶ່ງທີ່ຫາຍສາບສູນໄປເມື່ອເວລາ 9:30ນາທີ ແຕ່ “ສູນເສຍສັນຍານຊີບໄປແລ້ວ” ຜູ້ປະກາດຂ່າວ CCTV ຂອງລັດລາຍງານໂດຍອ້າງຈາກສຳນັກງານໃຫຍ່ຂອງໜ່ວຍບັນຊາການກູ້ໄພໃນພື້ນທີ່ ເຊິ່ງລາຍງານລະບຸວ່າເຫດການນີ້ມີຜູ້ເສຍຊີວິດ 21 ຄົນ.
ໃນຕອນບ່າຍຂອງວັນເສົາວັນທີ 22 ພຶດສະພາ 2021 ທ່ານ ຈາງ ຊວີເສິນ ເຈົ້າເມືອງ ໄປ໋ອິນ ກ່າວວ່າໃນເວລາ 14:00 ໂມງການແຂ່ງຂັນແລ່ນມາລາທອນລະຫວ່າງໄລຍະທາງ 20 ເຖິງ 31ກິໂລແມັດ ຜູ້ເຂົ້າຮ່ວມການແຂ່ງຂັນໄດ້ຮັບຜົນກະທົບຢ່າງກະທັນຫັນຈາກສະພາບອາການທີ່ຮ້າຍແຮງ. ໃນເວລາພຽງສັ້ນໆຢູ່ໆກໍ່ມີໝາກເຫັບຕົກ ແລະ ຝົນນໍ້າແຂງຕົກລົງພື້ນທີ່ ແລະ ມີລົມພັດແຮງ ອຸນຫະພູມອາກາດຫຼຸດລົງຢ່າງໄວວາ. ແລະ ຫຼັງຈາກນັ້ນບໍ່ດົນກໍ່ໄດ້ຮັບຂໍ້ຄວາມຂໍຄວາມຊ່ວຍເຫຼືອຈາກຜູ້ເຂົ້າຮ່ວມການແຂ່ງຂັນບາງຄົນ ຜູ້ຈັດງານແລ່ນມາລາທອນໄດ້ສົ່ງທີມກູ້ໄພລົງພື້ນທີ່ ແລະ ສາມາດຊ່ວຍຊີວິດໄດ້ 18 ຄົນຈາກ 172 ຄົນ.
ສຳນັກຂ່າວຊິນຫົວລາຍງານວ່າ ນັກແລ່ນບາງຄົນໄດ້ຮັບຄວາມທຸກທໍລະມານຈາກພາວະອຸນຫະພູມຕໍ່າ ເນື່ອງຈາກສະພາບອາກາດ ກ່ອນໜ້ານີ້ມີຜູ້ໄດ້ຮັບການຮັກສາອາກາດບາດເຈັບເລັກໜ້ອຍໃນໂຮງໝໍ 8 ຄົນທຸກຄົນປອດໄພດີ.
ຮຽບຮຽງຂ່າວ:ພຸດສະດີ