ເມື່ອວັນທີ 19 ພຶດສະພາ 2021 ທີ່ຜ່ານມາ ເວັບໄຊ້ Channelnewsasia ລາຍງານວ່າ: ມາເລເຊຍ ກຳລັງພົບກັບສະຖານະການໜັກ ຂອງການແຜ່ລະບາດ ພະຍາດໂຄວິດ-19 ສາຍພັນໃໝ່, ເຊິ່ງແຜ່ລະບາດຮ້າຍແຮງກ່ວາເກົ່າ ກະຊວງສາທາລະນະສຸກມາເລເຊຍ ຖະແຫຼງຂ່າວວ່າ: ພົບຜູ້ຕິດເຊື້ອໃໝ່ ໃນວັນທີ 19 ພຶດສະພາ 2021 ຂື້ນມາຮອດ 6,075 ຄົນ ຖືວ່າເປັນເທື່ອທຳອິດໃນມາເລເຊຍ ທີ່ພົບຜູ້ຕິດເຊື້ອໂຄວິດໃໝ່ໃນມື້ດຽວຫຼາຍກວ່າ 6000 ຄົນ ນັບຕັ້ງແຕ່ເກີດການແຜ່ລະບາດໃນປະເທດ ຫຼັງຈາກສະຖິຕິສູງສຸດໃນມາເລເຊຍເຄີຍມີຕົວເລກຜູ້ຕິດເຊື້ອໃໝ່ ພຽງ 5,728 ຄົນ ໃນວັນທີ 30 ມັງກອນ ປີ 2021.

ສຳລັບການພົບຜູ້ຕິດເຊື້ອໃໝ່ໃນມາເລເຊຍ ສ່ວນໃຫຍ່ແມ່ນ ຢູ່ເຂດພູເຂົາກຣັງ (Klang Valley) ໃນລັດສະລັງງໍ ຈຳນວນ 2,251 ຄົນ ແລະ ຢູ່ນະຄອນຫຼວງຂອງປະເທດ ຄືກົວລາລຳເປີ ເຊິ່ງພົບຜູ້ຕິດເຊື້ອໃໝ່ 660 ຄົນ ຮອງລົງມາ ຄື ລັດຍະໂຮ 699 ຄົນ, ລັດເຄດາບ 445 ຄົນ, ລັດກຣັນຕັນ 441 ຄົນ, ລັດຊາຣາວັກ 328 ຄົນ ແລະ ປີນັງ ຢູ່ທີ 183 ຄົນ.