ສະຖານະການ ການແຜ່ລະບາດ ຂອງພະຍາດໂຄວິດ-19 ໃນ ອິນເດຍ ທີ່ຕອນນີ້ລາມຈາກຕົວເມືອງໃຫຍ່ ໄປຫາເຂດຊົນນະບົດ ສົ່ງຜົນໃຫ້ຕອນນີ້ແພດໃນໂຮງໝໍຕ່າງໆ ຍັງຄົງເຮັດວຽກໜັກຢ່າງຕໍ່ເນື່ອງ ເປັນເວລາຫຼາຍເດືອນ ຫຼັງພົບເຊື້ອໂຄວິດກາຍພັນ.

ແຫຼ່ງຂ່າວເປີດເຜີຍວ່າ: ຕອນນີ້, ມີແພດ ແລະ ບຸດຂະລາກອນທາງການແພດ ເສຍຊີວິດຢ່າງຕໍ່ເນື່ອງ ຈາກການຕິດເຊື້້ອ ຫຼາຍກວ່າ 860 ຄົນ ໂດຍໃນຈຳນວນນີ້ ມີ 116 ຄົນ ທີ່ເສຍຊີວິດໃນເວລາບໍ່ຮອດ 1 ເດືອນ ນັບຕັ້ງແຕ່ມີການລະບາດຮອບ 2 ສົ່ງຜົນໃຫ້ເກີດກະແສຮຽກຮ້ອງຈາກຫຼາຍຝ່າຍຫຼາຍຂື້ນ ເພື່ອຂໍໃຫ້ລັດຖະບານໃຊ້ມາດຕະການເຂັ້ມງວດ ຄືການລ໋ອດດາວທັງປະເທດ ເພື່ອສະກັດກັ້ນເຊື້ອພະຍາດຢ່າງໂດຍໄວ.

ປັດຈຸບັນ, ອິນເດຍຍັງບໍ່ທັນປະກາດ ລ໋ອກດາວປະເທດ ເຊັ່ນດຽວກັບປີຜ່ານມາ ແຕ່ລັດຖະບານເຄິ່ງໜຶ່ງ ກໍປະກາດມາດຕະການລ໋ອກດາວເຕັມຮູບແບບແລ້ວ ສ່ວນລັດທີ່ເຫຼືອແມ່ນ ມີການບັງຄັບໃຊ້ມາດຕະການລ໋ອກດາວພຽງບາງສ່ວນເທົ່ານັ້ນ.