ນັກສຶກສາໄທ ແລະ ຜູ້ຊ່ຽວຊານໄວໜຸ່ມຫຼາຍແສນຄົນບໍ່ພໍໃຈກັບການຈັດການກັບການລະບາດໂຄວິດ-19 ຂອງລັດຖະບານ ແລະ ການສັກວັກຊີນທີ່ລ້າຊ້າ ຈຶ່ງໄດ້ຈັດຕັ້ງກຸ່ມອອນລາຍເພື່ອຫາລືກ່ຽວກັບວິທີການລາອອກຈາກປະເທດໃຫ້ໄດ້ຜົນດີ.
ກຸ່ມ Facebook ທີ່ມີຊື່ວ່າ “ Migrate” ໄດ້ລວມສະມາຊິກຫຼາຍກວ່າ 800,000ຄົນໃນເວລາບໍ່ຮອດ 1 ອາທິດຫຼັງຈາກການຕັ້ງກຸ່ມ ໄດ້ການເປັນເວທີສຳລັບຜູ້ຄົນທີ່ເຂົ້າມາໂອ້ລົມກ່ຽວກັບແນວທາງການຍ້າຍຖິ່ນຖານໂດຍມີຜູ້ເຂົ້າຮ່ວມຂໍຄຳແນະນຳ ແລະ ຄົນໄທທີ່ອາໄສຢູ່ຕ່າງປະເທດໄດ້ແບ່ງປັນຂໍ້ມູນ. ປະເທດອາເມລິກາ, ອອສເຕເລຍ, ຍີ່ປຸ່ນ, ການາດາ ແລະ ເຢຍລະມັນ ຕິດຈຸດໝາຍປາຍທາງທີ່ສະມາຊິກຕ້ອງການຍ້ານໄປເພື່ອຄົ້ນຫາອານາຄົດທີ່ດີກວ່າ.
ເຖິງແມ່ນວ່າປັດຈຸບັນ, ສະມາຊິກໃນກຸ່ມຈະມີປະມານ 1.3% ຂອງພົນລະເມືອງໃນປະເທດ ແຕ່ບັນຊີລາຍຊື່ກໍ່ພຽງພໍທີ່ຈະຢູ່ໃນອັນດັບທີ 27 ຈາກ 77 ແຂວງທົ່ວປະເທດ ມີຄົນສະມັກເຂົ້າເປັນສະມາຊິກຈຳນວນເພີ່ມຂຶ້ນສອງເທົ່າຂອງ “ລາຍ” ເທິງໜ້າເພສຂອງກະຊວງສາທາລະນະສຸກ.
ປະເດັນທີ່ໂອ້ລົມກັນສ່ວນໃຫຍ່ແມ່ນກ່ຽວກັບໂອກາດໃນການທຳງານ ແລະ ຄວາມໝັ້ນຄົງທີ່ດີກວ່າໃນປະເທດອື່ນໆທີ່ສາມາດນຳມາປຽບທຽບກັບໂອກາດທີ່ໜ້ອຍກວ່າໃນປະເທດໄທເຊິ່ງມີສະມາຊິກເປັນໄວໜຸ່ມຈຳນວນຫຼາຍ. ການລະບາດຂອງໂຄວິດ-19 ຮອບທີສາມຂອງປະເທດເປັນການລະບາດທີ່ຮ້າຍແຮງທີ່ສຸດນັບຕັ້ງແຕ່ມີການລະບາດມາ ແລະ ການເປີດຕົວວັກຊີນທີ່ລ້າຊ້າໄດ້ກະຕຸ້ນໃຫ້ເກີດຄວາມບໍ່ພໍໃຈຕໍ່ລັດຖະບານ.
ໃນຂະນະນີ້, ທ່ານ ປະຍຸດ ຈັນໂອຊາ ບໍ່ໄດ້ສະແດງຄວາມຄິດເຫັນໃດກ່ຽວກັບແຄມເປນອອນລາຍດັ່ງກ່າວ ແຕ່ກະຊວງດີຈີທັລເພື່ອເສດຖະກິດ ແລະ ສັງຄົມກ່າວວ່າກຳລັງຕິດຕາມກຸ່ມນີ້ຢ່າງໃກ້ຊິດ ແລະ ອາດຈະດຳເນີນການທາງກົດໝາຍກ່ຽວກັບເນື້ອໃນທີ່ຜິດຕໍ່ກົດໝາຍ.
ຮຽບຮຽງຂ່າວ:ພຸດສະດີ