Homeຂ່າວຕ່າງປະເທດເຈົ້າບ່າວຖືກເຈົ້າສາວບອກເລີກ ກາງງານດອງ ເພາະເລົ່າບັ້ງສູດບໍ່ໄດ້

ເຈົ້າບ່າວຖືກເຈົ້າສາວບອກເລີກ ກາງງານດອງ ເພາະເລົ່າບັ້ງສູດບໍ່ໄດ້

Published on

ເລື່ອງນີ້ເກີດຂື້ນໃນວັນທີ 1 ພຶດສະພາ ທີ່ຜ່ານມາ ໃນງານແຕ່ງດອງ ທີ່ລັດ Uttar Pradesh ປະເທດອິນເດຍ ເຊິ່ງເປັນງານແຕ່ງດອງ ແບບບັ້ງຄັບ, ເຈົ້າສາວໄດ້ລຸກຂຶ້ນປະກາດຍົກເລີກການແຕ່ງດອງ ຫຼັງຈາກທົດລອງ ໂດຍການໃຫ້ເຈົ້າບ່າວເລົ່າບັ້ງຄູນງ່າຍໆ ແຕ່ເຈົ້າບ່າວບໍ່ສາມາດເລົ່າໄດ້.

ສື່ມວນຊົນທ້ອງຖິ່ນລາຍງານວ່າ: ຫຼັງຈາກທີ່ເຈົ້າບ່າວ ມາຮອດສະຖານທີ່ຈັດງານ ກ່ອນທີ່ເຈົ້າສາວຈະເອົາພວງມາໄລຄ້ອງໃຫ້ເຈົ້າບ່າວ ເຈົ້າສາວໄດ້ຂໍທົດສອບຄວາມຮູ້ ຂອງເຈົ້າບ່າວ ໂດຍການໃຫ້ເລົ່າບັ້ງສູດ ບັ້ງສອງ ແຕ່ເຈົ້າບ່າວເລົ່າບໍ່ໄດ້ ເຮັດໃຫ້ເຈົ້າສາວຮູ້ສຶກບໍ່ພໍໃຈ ແລະ ໄດ້ປະກາດໃຫ້ຢຸດການຈັດພິທີແຕ່ງດອງທັນທີ.

ເຖິງແມ່ນວ່າ ຍາດຕິພີ່ນ້ອງ ຂອງເຈົ້າສາວ ແລະ ຄອບຄົວເຈົ້າບ່າວ ພະຍາຍາມເວົ້າໃຫ້ເຈົ້າສາວປ່ຽນໃຈ ແຕ່ລາວກໍຢືນຢັນວ່າ ລາວຈະບໍ່ເຂົ້າພິທີແຕ່ງດອງອີກ ໂດຍໃຫ້ຫດຜົນວ່າ ລາວບໍ່ສາມາດແຕ່ງດອງກັບຄົນທີ່ບໍ່ມີຄວາມຮູ້ພື້ນຖານໄດ້ ຂະໜາດຄະນິດສາດງ່າຍໆ ຍັງບໍ່ສາມາດຕອບໄດ້ ເຊິ່ງເປັນເຫດຜົນດັ່ງກ່າວນີ້ ເຮັດໃຫ້ພີ່ນ້ອງ ຂອງເຈົ້າສາວຫຼາຍຄົນເຂົ້າໃຈ ແລະ ຊົມເຊີຍ.

ເຖິງຢ່າງໃດກໍ່ຕາມ, ສຸດທ້າຍງານແຕ່ງດອງກໍ່ຖືກຍົກເລີກ ຫຼັງຈາກຕຳຫຼວດເຂົ້າມາຊ່ວຍໄກ່ເກ່ຍ ແລະ ທັງສອງຝ່າຍໄດ້ຕົກລົງເຫັນດີ ທີ່ຈະສົ່ງຄືນສິນສອດຕ່າງໆ ທີ່ໄດ້ຮັບມາໃນເບື້ອງຕົ້ນ.

ບົດຄວາມຫຼ້າສຸດ

ຟ້າຜ່າ ເລື່ອງໃກ້ຕົວທີ່ຫຼາຍຄົນເບິ່ງຂ້າມ

ໃນໄລຍະຊ່ວງຍາມຝົນແບບນີ້ ຫຼີກລ່ຽງບໍ່ໄດ້ທີ່ເຮົາຈະພົບກັບສະພາບຝົນຕົກ ຟ້າເຫຼື້ອມ ຟ້າຜ່າ, ໂດຍສະເພາະ ຟ້າຜ່າ ເປັນໜຶ່ງໃນເຫດການທຳມະຊາດທີ່ສ້າງຄວາມສູນເສຍແກ່ຊີວິດ ແລະ ຊັບສິນ, ບາງຄົນກໍອາດຈະບໍ່ຮູ້ ຫຼື ບາງຄົນກໍຮູ້ແລ້ວ ແຕ່ກໍອາດຈະປະໝາດ ແລະ...

ຄວາມຍາວ 376 ກິໂລແມັດ ແຂວງຊຽງຂວາງ ຜ່ານແບບ ແລະ ຮັບຮອງເອົາ ແລວທາງທີ 3 ໃນການກໍ່ສ້າງເສັ້ນທາງດ່ວນ ນະຄອນຫຼວງ-ໄຊສົມບູນ-ຊຽງຂວາງ-ຫົວພັນ.

ກອງປະຊຸມຜ່ານແບບ, ຮັບຮອງແບບການກໍ່ສ້າງເສັ້ນທາງດ່ວນນະຄອນຫຼວງວຽງຈັນ-ໄຊສົມບູນ-ຊຽງຂວາງ-ຫົວພັນ ຈັດຂຶ້ນເມື່ອບໍ່ດົນມານີ້ ທີ່ຫ້ອງວ່າການແຂວງຊຽງຂວາງ ໂດຍການເປັນປະທານຂອງທ່ານ ບົວເງິນ ຫຸມໄຊຍະພົມ ປະທານຄະນະກຳມະການປົກຄອງແຂວງຊຽງຂວາງ ພ້ອມດ້ວຍການນຳ, ພາກສ່ວນທີ່ກ່ຽວຂອງຂອງແຂວງ, ເມືອງ ແລະ ຄະນະຂອງບໍລິສັດທີ່ອອກແບບກໍ່ສ້າງເສັ້ນທາງດ່ວນ ເຂົ້າຮ່ວມ. ທ່ານ...

ແຈ້ງມອດໄຟ 15-17 ພຶດສະພາ 2026 ໄຟຟ້າ ນວ ແຈ້ງເຖິງບັນດາຜູ້ຊົມໃຊ້ໄຟຟ້າ ພາຍໃນນະຄອນຫຼວງວຽຈັນ ເລື່ອງການຂໍມອດໄຟຟ້າ ໃນລະຫວ່າງ ວັນທີ 15-17/05/2026

ອີງຕາມແຈ້ງການຂອງ ລັດວິສາຫະກິດໄຟຟ້າລາວ ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 1 ໄດ້ແຈ້ງເຖິງບັນດາຜູ້ຊົມໃຊ້ໄຟຟ້າພາຍໃນນະຄອນຫຼວງວຽຈັນ ເລື່ອງການຂໍມອດໄຟຟ້າ ໃນລະຫວ່າງ ວັນທີ 15-17/05/2026 ເຊິ່ງມີລາຍລະອຍດດັ່ງນີ້: