ກະຊວງແຮງງານ ແລະ ສະຫວັດດີການສັງຄົມ ໄດ້ອອກແຈ້ງການ ກ່ຽວກັບ ການເກັບກຳຂໍ້ມູນແຮງງານນອກລະບົບປະກັນສັງຄົມ ແລະ ປະຊາຊົນທີ່ທຸກຍາກເນື່ອງຈາກ ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19.
ເພື່ອສຶບຕໍ່ປະຕິບັດການເພີ່ມທະວີມາດຕະການປ້ອງກັນ, ຄວບຄຸມ ແລະ ສະກັດກັ້ນໂຄວິດ-19 ທີ່ລັດຖະບານວາງອອກ ແລະ ເພື່ອເກັບກຳຂໍ້ມູນຜູ້ທຸກຍາກເດືອດຮ້ອນ ເນື່ອງຈາກໄດ້ຮັບຜົນກະທົບຈາກການແຜ່ລະບາດ ຂອງໂຄວິດ-19 ໃນ ປີ 2021 ນີ້, ເຊິ່ງກຸ່ມເປົ້າໝາຍແຮງງານນອກລະບົບປະກັນສັງຄົມ ແລະ ປະຊາຊົນທີ່ທຸກຍາກ ທີ່ໄດ້ຮັບຜົນກະທົບຈາການລະບາດຂອງພະຍາດໂຄວິດ-19 ສະນັ້ນ, ເພື່ອໃຫ້ມີຂໍ້ມູນຕິດພັນກັບຜູ້ທີ່ໄດ້ຮັບຜົນກະທົບ, ກຳນົດວິທີການ, ເງື່ອນໄຂ ແລະ ມາດຕະການໃຫ້ການຊ່ວຍເຫຼືອ ເພື່ອລາຍງານໃຫ້ລັດທະບານພິຈາລະນາ ໃຫ້ທັນກັບສະພາບການ, ກະຊວງແຮງງານ ແລະ ສະຫວັດດີການສັງຄົມ ຈຶ່ງແຈ້ງມາຍັງທ່ານ ດັ່ງນີ້:
ໃຫ້ພະແນກແຮງງານ ແລະ ສະຫວັດດີການສັງຄົມແຂວງ, ນະຄອນຫຼວງວຽງຈັນ ສົມທົບກັບພາກສ່ວນກ່ຽວຂ້ອງ, ນະຄອນ, ເມືອງ ແລະ ບ້ານເປົ້າໝາຍ ເພື່ອເກັບກໍາຂໍ້ມູນຜູ້ໄດ້ຮັບຜົນກະທົບຈາກການແຜ່ລະບາດຂອງໂຄວິດ-19 ໂດຍສະເພາະແມ່ນ ແຮງງານທີ່ຢູ່ນອກລະບົບປະກັນສັງຄົມ ແລະ ປະຊາຊົນທຸກຍາກ ຕາມເງື່ອນໄຂດັ່ງນີ້:
– ກຸ່ມເປົ້າໝາຍ:
- ແຮງງານທີ່ຢູ່ນອກ ລະບົບປະກັນສັງຄົມ ແລະ ປະຊາຊົນທຸກຍາກ
- ເປັນບຸກຄົນ ຄອບຄົວທຸກຍາກ ແລະ ມີຄວາມເດືອດຮ້ອນ ຍ້ອນໄດ້ຮັບຜົນກະທົບຈາກການລະບາດຂອງເຊື້ອພະຍາດໂຄວິດ-19 ໂດຍໄດ້ຮັບການຢັ້ງຢືນຈາກນາຍບ້ານ
- ເປັນຄົນລາວທີ່ມີສຳມະໂນຄົວ ຫຼື ໃບອະນຸຍາດພັກເຊົາ ຢູ່ບ້ານໃນເວລາເກັບກຳຂໍ້ມູນ
- ຄອບຄົວທີ່ບໍ່ແມ່ນພະນັກງງານລັດຖະກອນ, ທະຫານ, ຕຳຫຼວດ, ພະນັກງງານບຳນານ ແລະ ຜູ້ທີ່ໄດ້ເຂົ້າປະກັນສັງຄົມ.
– ວິທີເກັບກໍາຂໍ້ມູນ ຕາມແຈ້ງການຂັ້ນເທິງ