ສຳນັກຂ່າວຕ່າງປະເທດລາຍງານວ່າ ອົງການອະນາໄມໂລກເຜີຍແຜ່ລາຍງານກ່ຽວກັບສະພາບການແຜ່ລະບາດຂອງໂຄວິດ-19 ໂດຍເນັ້ນຢໍ້າໄປທີ່ສາຍພັນອິນເດຍ “B1617” ພົບໃນລະຫັດພັນທຸກຳຢ່າງໜ້ອຍ 1,200ຕົວຢ່າງ ຈາກຢ່າງໜ້ອຍ 17 ປະເທດ ສ່ວນໃຫຍ່ແມ່ນພົບຢູ່ໃນອິນເດຍເອງ ແລະ ຍັງມີຢູ່ທີ່ອັງກິິດ, ອາເມລິການ ແລະ ສິງກະໂປ.

ອົງການອານາໄມໂລກກ່າວວ່າ ເຊື້ອໄວຣັດໂຄໂຣນ່າກາຍພັນໃນອິນເດຍ “ເປັນສາຍພັນທີ່ໜ້າສົນໃຈ” ແຕ່ຍັງບໍ່ໄດ້ລະບຸວ່າ ເປັນສາຍພັນທີ່ໜ້າວິຕົກກັງວົນ ໝາຍຄວາມວ່າ ເຊື້ອໄວຣັດນັ້້ນມີຄວາມອັນຕະລາຍຫຼາຍກວ່າເຊື້ອໄວຣັດປະເພດດຽວກັນ ແຜ່ລະບາດງ່າຍກວ່າ ເຮັດໃຫ້ເກີດອາການປ່ວຍທີ່ມີຄວາມຮຸນແຮງກວ່າ ການຫຼົບຫຼີກພູມຄຸ້ມກັນຈາກວັກຊີນ ແລະ ການຕິດເຊື້ອຊໍ້າ.

ທັງນີ້, ເຊື້ອໄວຣັດໂຄໂຣນ່າຊະນິດກາຍພັນໃນອິນເດຍ ມີການກາຍພັນຮ່ວມຕຳແໜ່ງ E484Q ແລະ  L452R ລາຍງານຂອງອົງການອານາໄມໂລກລະບຸວ່າ ພົບເຊື້ອໄວຣັດໂຄໂຣນາທີ່ກາຍພັນB1617 ແຜ່ລາມໄວກ່ວາເຊື້ອສາຍພັນອື່ນໆຂອງໄວຣັດໂຄໂຣນາກາຍພັນ.

ຮຽບຮຽງຂ່າວ: ພຸດສະດີ