ອີງຕາມຂ່າວຈັງຫວັດໜອງຄາຍໃຫ້ຮູ້ວ່າ: ວັນທີ 23 ເມສາ2021ນີ້ ເຈົ້າໜ້າທີ່ໄດ້ເລັ່ງສືບສວນສອບສວນທ້າວທະນະກິດ, ທ້າວຊິດຕະພົນ ແລະ ສາວລາວຜູ້ໜຶ່ງທີ່ລັກລອບຂ້າມຊາຍແດນໄທມາລາວແຜ່ເຊື້ອໂຄວິດ-19 ພາຍຫຼັງກວດພົບເຊື້ອຢູ່ໜອງຄາຍ ແລະປິດບັງຂໍ້ມູນການເຄື່ອນໄຫວ.
ພົນໂທ ພີຣະພັດ ປຣົມພຸດທິ ຮອງຜູ້ບັງຄັບບັນຊາ ຕຳຫຼວດໜອງຄາຍໃຫ້ຮູ້ວ່າ: ພາຍຫຼັງຄະນະສະເພາະກິດຂອງລາວຖະແຫຼງການຕິດເຊື້ອໂຄວິດ ກໍລະນີ 59 ແລະ ມີການກ່ຽວພັນກັບ 3 ຄົນທີ່ຕິດເຊື້ອຢູ່ໜອງຄາຍທີ່ລັກລອບຂ້າມຝັ່ງ ຈຶ່ງໄດ້ມີການກວດສອບ ແລະ ເຫັນວ່າເປັນຄວາມຈິງແທ້.
ໃນເບື້ອງຕົ້ນເຈົ້າໜ້າໄທທີ່ໄດ້ຮັບຄຳຮ້ອງທຸກຈາກພາກສ່ວນກ່ຽວຂ້ອງ ແລະ ຈະມີການດຳເນີນຄະດີຕາມກົດໝາຍພາຍຫຼັງປິ່ນປົວດີໃນຂໍ້ຫາລັກລອບຂ້າມຝັ່ງຊາຍແດນຜິດກົດໝາຍ, ຈົງໃຈປິດບັງຂໍ້ມູນການເຄື່ອນໄຫວພາຍຫຼັງພົບເຊື້ອໂຄວິດ, ຊ່ວຍເຫຼືອປິດບັງການລັກລອບຂ້າມຝັ່ງຂອງຄົນຕ່າງດ້າວ ສ່ວນຍິງສາວຊາວລາວຈະຖືກດຳເນີນຄະດີຂໍ້ຫາລັກລອບຂ້າມຊາຍແດນໂດຍບໍ່ຮັບອະນຸຍາດ ເຊິ່ງທັງໝົດນີ້ຈະດຳເນີນຢ່າງເດັດຂາດພາຍຫຼັງປິ່ນປົວດີແລ້ວ.
ຮຽບຮຽງຂ່າວ: ພຸດສະດີ