ການາດາເດືອດກາງເມືອງ ເມື່ອມືປືນຊຸດດຳເຂົ້າກໍ່ເຫດຍິງທະຫານເສຍຊີວິດ 1 ຄົນ ກ່ອນບຸກເຂົ້າກວາດຍິງພາຍໃນ
ອາຄານລັດຖະສະພາ ໃນຂະນະທີ່ກຳລັງມີການປະຊຸມຜູ້ແທນ.
ສຳນັກຂ່າວຕ່າງປະເທດລາຍງານວ່າ ໃນເວລາ 09:52 ນາທີ ຂອງມື້ວັນພຸດ 22 ຕຸລາ 2014 ທີ່ຜ່ານມາ (ຕາມເວລາ
ໃນທ້ອງຖິ່ນ) ຕຳຫລວດ ແລະ ທະຫານການາດາ ພ້ອມດ້ວຍລົດຫຸ້ມເກາະ ແລະ ອາວຸດຄົບມື ໄດ້ທຳການປິດລ້ອມອາ
ຄານລັດຖະສະພາ ພາຍໃນນະຄອນຫລວງອັອດຕາ ຫລັງຈາກເກີດເຫດຄົນຮ້າຍສວມຊຸດສີດຳ ໃຊ້ປືນໄຣເຟິນເປັນ
ອາວຸດ ບຸກເຂົ້າໄປໃນອາຄານລັດຖະສະພາ ໃນຂະນະທີ່ກຳລັງມີການປະຊຸມສະພາຢູ່ ໂດຍກ່ອນໜ້າທີ່ຄົນຮ້າຍຈະເຂົ້າ
ໄປໃນອາຄານ ແມ່ນໄດ້ຍິງທະຫານການາດາ ທີ່ຢືນຮັກສາການຢູ່ອະນຸສອນສະຖານສົງຄາມແຫ່ງຊາດການາດາ ໄດ້
ຮັບບາດເຈັບ 1 ຄົນ ແລະ ໄປເສຍຊີວິດຢູ່ໃນໂຮງໝໍໃນໄລຍະຕໍ່ມາ.
ໂດຍຜູ້ເຫັນເຫດການເລົ່າວ່າ ຄົນຮ້າຍໄດ້ແລ່ນເຂົ້າມາໃນອາຄານລັດຖະສະພາ ໃນຂະນະທີ່ກຳລັງມີການປະຊຸມສະພາ
ຈາກນັ້ນ ຕຳຫລວດໄດ້ບຸກເຂົ້າໄປພ້ອມກັບຮ້ອງບອກໃຫ້ທຸກຄົນໝອບລົງ ແລະ ໄດ້ຍິນສຽງປືນດັງຂຶ້ນຕາມມາຢ່າງ
ໜ້ອຍ 30 ນັດ ກ່ອນຈະມີລາຍງານວ່າ ຄົນຮ້າຍຖືກຍິງເສຍຊີວິດ 1 ຄົນ. ດ້ານໂຄສົກປະຈຳສຳນັກງານນາຍົກລັດຖະ
ມົນຕີການາດາ ອອກມາຖະແຫລງວ່າ ທ່ານ ສະຕີເຟັນ ຮາເປີ ນາຍົກລັດຖະມົນຕີການາດີ ໄດ້ໜີອອກມາຈາກພາຍ
ໃນອາຄານລັດຖະສະພາໄດ້ທັນ ແລະ ປອດໄພ.
ໃນຂະນະທີ່ຕຳຫລວດຂອງການາດາໄດ້ຖະແຫລງເຕືອນປະຊາຊົນ ໃຫ້ຢູ່ຫ່າງຈາກປ່ອງຢ້ຽມ ແລະ ຫລັງຄາໄວ້ ເພື່ອ
ຄວາມປອດໄພ ແລະ ຕຳຫລວດກຳລັງໄລ່ຕາມລ່າຕົວຄົນຮ້າຍອີກ 1 ເຖິງ 3 ຄົນ ແລະ ເຊື່ອວ່າໜຶ່ງໃນນັ້ນ ບາງທີກຳ
ລັງຫລົບລີ້ໂຕຢູ່ເທິງຫລັງຄາຂອງລັດຖະສະພາຢູ່.