Homeຂ່າວທ້ອງຖິ່ນຜ້າປິດປາກ-ເຈວລ້າງມືມີແນວໂນ້ມຂຶ້ນລາຄາ

ຜ້າປິດປາກ-ເຈວລ້າງມືມີແນວໂນ້ມຂຶ້ນລາຄາ

Published on

ໃນທົ່ວໂລກມີການລາຍງານການລະບາດຂອງພະຍາດ COVID-19 ທັງໝົດ 219 (ປະເທດ/ເຂດ), ຜູ້ຕິດເຊື້ອສະສົມ 144,398,510 ຄົນ, ເສຍຊິວິດສະສົມ 3,070,160 ຄົນ ແລະ ປີ່ນປົວຫາຍດີ 122,861,769 ຄົນ ແລະ ສຳລັບ ສປປ ລາວ ນັບຕັ້ງແຕ່ນັບແຕ່ເດືອນມັງກອນ 2020 ຮອດປະຈຸບັນ, ມີທັງໝົດ 150,159 ຕົວຢ່າງ, ໃນນັ້ນ ກວດພົບເຊື້ອສະສົມ 94 ຄົນ.

ເນື່ອງຈາກມີການລະບາດຂອງໂຄວິດ-19 ທາງຄະນະສະເພາະກິດຄວບຄຸມ, ປ້ອງກັນການລະບາດພະຍາດໂຄວິດ-19 ໄດ້ອອກມາດຕະການຄວບຄຸມລາຄາສິນຄ້າ ອີງຕາມຄຳສັ່ງນາຍົກເລກທີ 15/ນຍ, ລົງວັນທີ 21 ເມສາ 2021 ຂໍ້ີ 6 ວ່າດ້ວຍການຫ້າມສວຍໂອກາດກັກຕຸນ ແລະ ຂຶ້ນລາຄາສິນຄ້າອຸປະໂພກ ແລະ ບໍລິໂພກເປັນຕົ້ນຜ້າປິດປາກ-ດັງ,​ນໍ້າຢາລ້າງມືປົວພະຍາດ,​ ອຸປະກອນການແພດ, ເຂົ້າ,​ອາຫານ, ນໍ້າດື່ມ ແລະ ອື່ນໆທີ່ຈຳເປັນຕໍ່ການດຳລົງຊີວິດປະຈຳວັນ.

ຕາມການໂອ້ລົມກັບແມ່ຄ້າລາຍໜຶ່ງທີ່ຢູ່ໃນວົງການຊື້-ຂາຍຜ້າປິດປາກ ແລະ ເຈວລ້າງມື້ໃຫ້ຮູ້ວ່າ ປັດຈຸບັນ ຜ້າປິດປາກ ແລະ ເຈວລ້າງ ແມ່ນໄດ້ຂາຍດີທີ່ສຸດ ເມື່ອມີຄວາມຕ້ອງການສູງຈຶ່ງເຮັດໃຫ້ເກີດປະກົດການຫຼາຍຢ່າງຂຶ້ນໃນຂະບວນການຊື້-ຂາຍ ແລະ ຈຳ ໜ່າຍ ລາຄາຜ້າປິດປາກ ແລະ ເຈວລ້າງມືແມ່ນມີແນວໂນ້ມຈະຂຶ້ນລາຄາອີກ ຍ້ອນວ່າມີກຸ່ມແມ່ຄ້າທີ່ກັກຕຸນຜ້າປິດປາກ ແລະ ເຈວລ້າງມື້ໄວ້ ເພື່ອກຽມປ່ອຍຂາຍໃນຍາມວິກິດກວ່ານີ້ດ້ວຍລາຄາທີ່ແພງ, ແຕ່ທີ່ໜ້າເປັນຫ່ວງທີ່ສຸດຄືມີກຸ່ມທີ່ສວາຍໃຊ້ວິກິດດັ່ງກ່າວນີ້ຫາຜົນປະໂຫຍດໃສ່ຕົນ ໂດຍການຈັດຈຳໜ່າຍຜ້າປິດປາກ, ເອວກໍຮໍ ແລະ ເຈວລ້າງມືທີ່ບໍ່ໄດ້ຄຸນນະພາບອອກວາງຈຳໜ່າຍໃນທ້ອງຕະຫຼາດ.

ສຳລັບລາຄາຜ້າປິດປາກທີ່ຊື້-ຂາຍປັດຈຸບັນຈະເລີ່ມຕົ້ນທີ່ 590,000/ແກັດ ຫາ 1,050,000/ແກັດ ເຊິ່ງລາຄາມີຄວາມແຕກຕ່າງກັນ ເນື່ອງຈາກຄຸນນະພາບຂອງຜ້າປິດປາກມີທັງ ແບບບາງ, ບາງກາງ ແລະ ແບບໜ້າ (3ຊັ້ນ/4ຊັ້ນ) ແລະ ແຫຼ່ງນຳເຂົ້າທີ່ຕ່າງກັນ.

ຮຽບຮຽງຂ່າວ:​ ພຸດສະດີ

 

 

 

ບົດຄວາມຫຼ້າສຸດ

ຄວາມຍາວ 376 ກິໂລແມັດ ແຂວງຊຽງຂວາງ ຜ່ານແບບ ແລະ ຮັບຮອງເອົາ ແລວທາງທີ 3 ໃນການກໍ່ສ້າງເສັ້ນທາງດ່ວນ ນະຄອນຫຼວງ-ໄຊສົມບູນ-ຊຽງຂວາງ-ຫົວພັນ.

ກອງປະຊຸມຜ່ານແບບ, ຮັບຮອງແບບການກໍ່ສ້າງເສັ້ນທາງດ່ວນນະຄອນຫຼວງວຽງຈັນ-ໄຊສົມບູນ-ຊຽງຂວາງ-ຫົວພັນ ຈັດຂຶ້ນເມື່ອບໍ່ດົນມານີ້ ທີ່ຫ້ອງວ່າການແຂວງຊຽງຂວາງ ໂດຍການເປັນປະທານຂອງທ່ານ ບົວເງິນ ຫຸມໄຊຍະພົມ ປະທານຄະນະກຳມະການປົກຄອງແຂວງຊຽງຂວາງ ພ້ອມດ້ວຍການນຳ, ພາກສ່ວນທີ່ກ່ຽວຂອງຂອງແຂວງ, ເມືອງ ແລະ ຄະນະຂອງບໍລິສັດທີ່ອອກແບບກໍ່ສ້າງເສັ້ນທາງດ່ວນ ເຂົ້າຮ່ວມ. ທ່ານ...

ແຈ້ງມອດໄຟ 15-17 ພຶດສະພາ 2026 ໄຟຟ້າ ນວ ແຈ້ງເຖິງບັນດາຜູ້ຊົມໃຊ້ໄຟຟ້າ ພາຍໃນນະຄອນຫຼວງວຽຈັນ ເລື່ອງການຂໍມອດໄຟຟ້າ ໃນລະຫວ່າງ ວັນທີ 15-17/05/2026

ອີງຕາມແຈ້ງການຂອງ ລັດວິສາຫະກິດໄຟຟ້າລາວ ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 1 ໄດ້ແຈ້ງເຖິງບັນດາຜູ້ຊົມໃຊ້ໄຟຟ້າພາຍໃນນະຄອນຫຼວງວຽຈັນ ເລື່ອງການຂໍມອດໄຟຟ້າ ໃນລະຫວ່າງ ວັນທີ 15-17/05/2026 ເຊິ່ງມີລາຍລະອຍດດັ່ງນີ້:  

ສົ່ງຕົວແກ້ງຄໍເຊັນເຕີກັບຈີນ ກົມຕໍາຫຼວດຄຸ້ມຄອງຄົນຕ່າງປະເທດ ສົ່ງຕົວແກ້ງຄໍເຊັນເຕີ ຈໍານວນ 485 ຄົນ ໃຫ້ທາງການຈີນ ນຳໄປດຳເນີນຄະດີ ຫຼັງຈາກຖືກຈັບກຸມຢູ່ ສປປ ລາວ

ໃນວັນທີ 13 ພຶດສະພາ 2026 ຢູ່ດ່ານສາກົນບໍ່ເຕັນ ແຂວງຫຼວງນໍ້າທາ, ກົມຕໍາຫຼວດຄຸ້ມຄອງຄົນຕ່າງປະເທດ ກົມໃຫຍ່ສັນຕິບານ ກະຊວງ ປກສ ຮ່ວມກັບສູນຮ່ວມມືວຽກງານຕໍາຫຼວດລາວ-ຈີນ ໄດ້ມອບ-ຮັບຕົວພວກຖືກຫາທີ່ເປັນຄົນສັນຊາດຈີນ ຈໍານວນ 485...