ໝໍ ໂອພາກ ພຸດທະຈະເລີນ ຫົວໜ້າສູນໂລກພະຍາດຊະນິດໃໝ່ທາງເທັກນິກ ໂຮງໝໍຈຸລາລົງກອນ ສະພາ ກາຊາດໄທ (ປະເທດໄທ) ໂພສຂໍ້ຄວາມຜ່ານເຟສບຸກ Opass Putcharoen, ເຕືອນ ຄວາມຮຸນແຮງຂອງພະຍາດໂຄວິດ-19 ສາຍພັນໃໝ່ ວ່າ ເຊື້ອຮອບນີ້ອັນຕະລາຍກ່ວາເກົ່າ ຈາກ 200 ກວ່າກໍລະນີຂອງຜູ້ຕິດເຊື້ອຮອບນີ້ໃນໂຮງໝໍ.
ໂດຍທົ່ວໄປ, ຖ້າຕິດເຊື້ອຄືຮອບທຳອິດແມ່ນ 7 ມື້ໄປ ເຊື້ອຈະໜ້ອຍລົງ ເຖິງແມ່ນວ່າຈະກວດ PCR ບວກ ແຕ່ເຊື້ອຈະບໍ່ເຕີບໃຫຍ່, ແຕ່ເຊື້ອຮອບນີ້ 10 ມື້ແລ້ວ ເຊື້ອຍັງຈະເຕີບໃຫຍ່ຢູ່ ສະແດງໃຫ້ເຫັນວ່າ ເຊື້ອຈະຢູ່ໃນຮ່າງກາຍໄດ້ດົນກວ່າເກົ່າ.
ຮອບກ່ອນໆ, ບໍ່ຄອຍເຫັນໄວລຸ້ນ ຜູ້ທີ່ມີສຸຈະພາບແຂງແຮງ ເກີດເປັນປອດອັກເສບ ແຕ່ຮອບນີ້ພົບເຫັນຫຼາຍກວ່າແຕ່ກ່ອນ.
ຫຼັງຈາກທີ່ຕິດເຊື້ອໄປແລ້ວ1 ອາທິດ, ຄົນທີ່ມີຄວາມສ່ຽງຈະເກີດມີອາການຮຸນແຮງໃຫ້ເຫັນ ແຕ່ຮອບນີ້ໄວກວ່າແຕ່ກ່ອນ ບໍ່ຮອດໜຶ່ງອາທິດ ກໍເລີ່ມມີອາການຫຼາຍຂື້ນ ການອັກເສບເກີດຂື້ນຢ່າງໄວວາ ການໃຫ້ຢາຕ້ານໄວຣັສ ແລະ ຢາສະເຕີຍຣອຍ ຢາຕ້ານການອັກເສບ ຕ້ອງກຽມພ້ອມ ການບົ່ງມະຕິພະຍາດປອດອັກເສບຕ້ອງເຮັດຢ່າງໄວວາ.
ປະລິມານເຊື້ອແບັກທີເຣຍໃນດັງ ແລະ ຂີ້ກະເທີ ແມ່ນມີຫຼາຍກວ່າເກົ່າ ການຕິດເຊື້ອຈະແຜ່ລາມໄດ້ງ່າຍ ແລະ ຈະເຫັນຜູ້ປ່ວຍໜັກໃນ ICU ຫຼາຍຂື້ນ.