spot_img
Homeຂ່າວຕ່າງປະເທດຕຳຫຼວດກຳປູເຈຍລົງໂທດຜູ້ທີ່ລະເໝີດມາດຕະການລ໋ອກດາວ (Lockdown) ໂດຍການໃຊ້ໄມ້ຕີ

ຕຳຫຼວດກຳປູເຈຍລົງໂທດຜູ້ທີ່ລະເໝີດມາດຕະການລ໋ອກດາວ (Lockdown) ໂດຍການໃຊ້ໄມ້ຕີ

Published on

ອີງຕາມສຳນັກຂ່າວ ລອຍເຕີ ລາຍງານວ່າ: ຕຳຫຼວດກຳປູເຈຍເຮັດເພື່ອປ້ອງປົກ ແລະ ເປັນການລົງໂທດ ໂດຍການໃຊ້ໄມ້ຕີຜູ້ທີ່ລະເມີດມາດຕະການປ້ອງກັນການລະບາດ ຂອງພະຍາດໂຄວິດ-19 ໃນຊ່ວງລ໋ອກດາວ (Lockdown) ເປັນເວລາ 2 ອາທິດ ໂດຍມີເປົ້າໝາຍທີ່ຈະຄວບຄຸມການຕິດເຊື້ອທີ່ເພີ່ມຂື້ນຢ່າງໄວວາ.

ປະເທດໃນຕາເວັນອອກສຽງໃຕ້ ຍັງເປັນປະເທດທີ່ມີຈຳນວນຜູ້ຕິດເຊື້ອພະຍາດໂຄວິດ-19 ໜ້ອຍທີ່ສຸດໃນໂລກ, ແຕ່ການລະບາດທີ່ເລີ່ມຂື້ນທ້າຍເດືອນກຸມພາ ປີ 2021 ເຮັດໃຫ້ຍອດຜູ້ຕິດເຊື້ອໂດຍລວມເພີ່ມຂື້ນເປັນ 7,747 ຄົນ ແລະ ມີຜູ້ເສີຍຊີວິດ 54 ຄົນ.

ນະຄອນພະນົມປະກາດລ໋ອກດາວ (Lockdown) ເມື່ອ ວັນທີ 15 ເມສາ 2021 ແລະ ໄດ້ປະກາດໃຫ້ບາງເມືອງ ທີ່ມີພື້ນທີ່ສີແດງ (ພື້ນທີ່ມີຜູ້ຕິດເຊື້ອ) ຫ້າມປະຊາຊົນອອກຈາກບ້ານ ຍົກເວັ້ນເຫດຜົນທາງການແພດ.

ຫົວໜ້າຕຳຫຼວດນະຄອນພະນົມເປັນກ່າວວ່າ: ການຕີ ແລະ ການຈັບກຸມເປັນການຊ່ວຍຊີວິດ ໂດຍອ້າງວ່າ ປະຊາຊົນສ່ວນໃຫຍ່ກໍໃຫ້ການສະໜັບສະໜູນພວກເຂົາ ແລະ ໄດ້ກ່າວອີກວ່າ: ສ່ວນທາງດ້ານຝ່າຍບໍລິຫານນະຄອນພະນົມເປັນ ໄດ້ຕັດສິນໃຈວ່າ: ບໍ່ມີໃຜໄດ້ຮັບອະນາຍາດໃຫ້ອອກຈາກບ້ານ ເນື່ອງຈາກພື້ນທີ່ມີຄວາມສ່ຽງຕໍ່ການແຜ່ລະບາດຂອງເຊື້ອພະຍາດໂຄວິດ-19 ແຕ່ມີຄົນຈຳນວນໜຶ່ງທີ່ບໍ່ຟັງຄວາມ ແລະ ເຮົາຕ້ອງດຳເນີນການເພື່ອຮັກສາຊີວິດພວກເຂົາ.

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...