ໃນວັນທີ 17 ເມສາ 2021 ທີ່ຜ່ານມາ ສໍານັກຂ່າວຕ່າງປະເທດໄດ້ລາຍງານວ່າ: ທາງກອງທັບມຽນມາໄດ້ປ່ອຍໂຕນັກໂທດເປັນຂອງຂວັນເນື່ອງໃນໂອກາດງານເທດສະການ “ຕະຈານ” ຫຼື ສົງການຂອງມຽນມາເປັນຈໍານວນຫຼາຍກວ່າ 23,184 ຄົນ ແຕ່ຄາດວ່ານັກໂທດທີ່ໄດ້ຮັບການປ່ອຍໂຕນັ້ນສ່ວນໃຫຍ່ບໍ່ແມ່ນນັກໂທດການເມືອງ ແລະ ຜູ້ຊຸມນຸມທີ່ຖືກຈັບໂຕໄປກ່ອນໜ້າການປະທ້ວງຕໍ່ຕ້ານການຢືດອໍານາດ ຂອງກອງທັບມຽນມາຕັ້ງແຕ່ 1 ກຸມພາ.

ສະມາຄົມໃຫ້ຄວາມຊ່ວຍເຫຼືອນັກໂທດການເມືອງ ໄດ້ລະບຸວ່າຈໍານວນຂອງຜູ້ຖືກຈັບເພິ່ມຂື້ນເປັນຢ່າງຕໍ່າ 1,314 ຄົນ ລວມເຖິງ ນາງ ອອງຊານ ຊູຈີ ຜູ້ນໍາພັກສະມັດຊາແຫ່ງຊາດເພື່ອປະຊາທິປະໄຕ. ສ່ວນໂຕເລກຜູ້ເສຍຊີວິດຈາກການປາບປາມດ້ວຍອາວຸດສົງຄາມຂອງກອງທັບມຽນມາເພິ່ມຂື້ນຢ່າງຕໍ່າ 728 ຄົນ ແລະ ຍັງມີການຕິດຕາມຈັບກຸ່ມຜູ້ປະທ້ວງອີກຫຼາຍກວ່າ 200 ຄົນ.