ອີງຕາມການຖະແຫຼງຂ່າວຈາກຄະນະສະເພາະກິດຄວບຄຸມໂຄວິດ-19 ໃນວັນທີ 14 ເມສາ 2021 ໃຫ້ຮູ້ວ່າ ມາຮອດປັດຈຸບັນ ສປປ ລາວ ພົບກໍລະນີທີ 53 ເພດຍິງ, ອາຍຸ: 25 ປີ, ສັນຊາດ: ລາວ, ອາຊີບ: ຂາຍອາຫານຕາມສັ່ງຢູ່ເຂດຫົວລຳໂພງ,​ ກຸງເທບ, ປະເທດໄທ ສະພາບໂດຍລວມຜູ້ກ່ຽວບໍ່ມີພະຍາດປະຈຳຕົວ ມີສຂະພາບແຂງແຮງດີ ເຊິ່ງລາຍລະອຽດມີດັ່ງນີ້:

• ໃນວັນທີ 7 ເມສາ 2021 ຜູ້ກ່ຽວເດີນທາງມາ ສປປ ລາວ ຜູ້ດຽວ ດ້ວຍລົດໂດຍສານສະຖານີ ໝໍສິດ ປະເທດໄທ  ຈາກນັ້ນກໍ່ເດີນທາງມາເວລາ ປະມານ 19:00 ໂມງ ຂອງວັນດຽວກັນ
• ວັນທີ 8 ເມສາ 2021 ເດີນທາງມາຮອດດ່ານວັງເຕົ່າ ແຂວງ ອຸບົນຣາຊະທານີ  ແລະ ນັ່ງລໍຖ້າລົດຈົນຮອດ 7:30 ໂມງຕອນເຊົ້າຈຶ່ງຂ້າມດ່ານເຂົ້າມາ ສປປ ລາວ ແລະ ໃ່ສ່ຜ້າອັດປາກຕະຫຼອດໄລຍະການເດີນທາງ ແລະ ຫຼັງຈາກນັ້ນກໍ່ເຂົ້າກວດເກັບຕົວຢ່າງສົ່ງກວດໃນຕອນເຊົ້າ ແລະ ໃນຕອນບ່າຍກໍຖືກສົ່ງຕົວມາຕິດຕາຢູ່ຫຼັກ 21 ເມືອງປະທຸມພອນ ເຊິ່ງເປັນສູນແຂວງຈຳປາກສັກ.
• ຫຼັງຈາກນັ້ນ, ວັນທີ 8-13 ເມສາ 2021 ຜູ້ກ່ຽວໄດ້ນອນຢູ່ສູນຫຼັກ 21 ຮ່ວມກັບ 18 ຄົນ ເຊິ່ງເປັນເພດຍິງທັງໝົດ ແລະ ເວລາກິນເຂົ້າຜູ້ກ່ຽວໄດ້ແຍກກິນຕ່າງຫາກ.
• ວັນທີ 13 ເມສາ 2021 ເວລາ 14:00ໂມງ ຜົນກວດຢັ້ງຢືນວ່າຜູ້ກ່ຽວຕິດເຊື້ອໂຄວິດ-19 ຜູ້ກ່ຽວຈຶ່ງຖືກຍ້າຍໄປປິ່ນປົວທີ່ສູນໂພນທອງແຂວງຈຳປາສັກ.
• ແລະ ຜູ້ສຳພັດໃກ້ຊິດທັງ 18 ຄົນທີ່ນອນຫ້ອງດຽວກັນແມ່ນໄດ້ເກັບຕົວຢ່າງມາກວດທີ່ໂຮງໝໍແຂວງຈຳປາສັກ ທັງໝົດແມ່ນຜົນລົບ ແຕ່ທາງພວກກ່ຽວຍັງຕ້ອງສືບຕໍ່ຕາມໃຫ້ຄົບ 14 ວັນ.

ຮຽບຮຽງຂ່າວ: ພຸດສະດີ