ສຳນັກຂ່າວ ຮອຍເຕີ້-ກຳປູເຈຍ ລາຍງານວ່າ: ມີຜູ້ຕິດເຊື້ອໂຄວິດ-19 ກໍລະນີໃໝ່ເພີ່ມຂື້ນເຖິງ 576 ຄົນ (ໃນວັນທີ 9 ເມສາ 2020) ການຕິດເຊື້ອເພີ່ມຂຶ້ນຢ່າງໄວວາ ນັບຕັ້ງແຕ່ພົບການລະບາດຮອບໃໝ່ ໃນ 7 ອາທິດກ່ອນ ເຊື່ງເຮັດໃຫ້ມີຜູ້ຕິດເຊື້ອ ເພີ່ມຂຶ້ນເຖິງ 7 ເທົ່າ.
ຈາກທີ່ກຳປູເຈຍເຄີຍເປັນໜື່ງໃນປະເທດ ທີ່ມີຜູ້ຕິດເຊື້ອໂຄວິດ-19 ໜ້ອຍທີ່ສຸດໃນໂລກ ແຕ່ການລະບາດທີ່ພົບໃນທ້າຍເດືອນ ກຸມພາ 2020 ທີ່ຜ່ານມາ ເຮັດໃຫ້ໃນປະເທດມີຜູ້ເສຍຊີວິດຈາກໂຄວິດ-19 ເປັນເທື່ອທຳອິດ ທັງໝົດ 24 ຄົນ ແລະ ຍອດຜູ້ປ່ວຍຕິດເຊື້ອເພີ່ມຂຶ້ນເປັນ 3,604ຄົນ.
ລັດຖະບານກຳປູເຈຍໄດ້ຈຳກັດການເດີນທາງລະຫວ່າງແຂວງ ແລະ ລະຫວ່າງເມືອງ, ຫ້າມຊຸມນຸມກັນຈຳນວນຫຼາຍ ແລະ ກຳນົດມາດຕະການເຄີຟິວ (Curfew) ໃນພະນົມເປັນ 2 ອາທິດ ຕັ້ງແຕ່ ວັນທີ 1 ເມສາ ທີ່ຜ່ານມາ. ນອກຈາກນີ້ ຍັງຜ່ານກົດໝາຍທີ່ກໍານົດໂທດຕິດຄຸກໄລຍະຍາວ ສຳລັບຜູ້ລະເມີດມາດຕະການດ້ານສຸຂະພາບ.
ໂຄວິດ-19 ຍັງຄົງລະບາດນັບມື້ນັບເພີ່ມຂຶ້ນ ສະນັ້ນ, ເຮົາຄວນມີສະຕິ ລະມັດລະວັງໂຕຢູ່ສະເໝີ ໝັ່ນດູແລຮັກສາສຸຂະພາບ, ຮັກສາໄລຍະຫ່າງເຊິ່ງກັນ ແລະກັນ.