ອົງກອນເພື່ອຄວາມໂປ່ງໃສນານາຊາດ (Transparency International) ໄດ້ປະກາດຄ່າດັດຊະນີທີ່ສາມາດຮັບຮູ້ການທຸຈະລິດ ຫຼື ບໍ່ຄວາມໂປ່ງໃສຂອງແຕ່ລະປະເທດໃນປີ 2019 ໂດຍມີທັງໝົດ 179 ປະເທດດັດຊະນີດັ່ງກ່າວນີ້ໃຫ້ເຫັນວ່າ ປະເທດດານມາກ ແລະນິວຊີແລນ ໄດ້ອັນດັບ 1 ມີ 88 ຄະແນນ, ອັນດັບ 2 ປະເທດ ແຟັງລັງ (ຟິນແລນ),ສະວິດເຊີແລນ, ສິງກະໂປ ແລະສະວີເດັນ 85 ຄະແນນ.
ສຳລັບປະເທດລາວຢູ່ໃນອັນດັບ 8 ຂອງຄວາມໂປ່ງໃສ ຫຼື ອັນດັບທີ 3 ທີ່ມີການສໍ້ລາດບັງຫຼວງຫຼາຍທີ່ສຸດໃນອາຊຽນ ເຊິ່ງຄະແນນຄວາມໂປ່ງໃສ 29 ຄະແນນທຽບເທົ່າກັບປີ 2019 ແຕ່ລຳດັບໃນອາຊຽນແມ່ນດີຂຶ້ນຈາກ 2 ເປັນປະເທດທີ 3 ທີ່ມີການສໍ້ລາດບັງຫຼວງສູງສຸດໃນອາຊຽນ.
ໃນບັນດາປະເທດອາຊຽນປະເທດທີ່ມີຄວາມໂປ່ງໃສທີ່ສຸດແມ່ນ 1.ສິງກະໂປ ມີຄະແນນ 85 ຕິດອັນດັບ 2 ຂອງໂລກ, 2. ບຣູໄນ (60 ຄະແນນ 35 ຂອງໂລກ), 3. ມາເລເຊຍ 51ຄະແນນ 57 ຂອງໂລກ, 4. ອິນໂດເນເຊຍ 37 ຄະແນນ 102 ຂອງໂລກ, 5. ຫວຽດນາມ 36 ຄະແນນ, 6. ໄທ36 ຄະແນນ 104 ຂອງໂລກ, 7.ຟີລິບປິນ34 ຄະແນນ 115 ຂອງໂລກ 8.ລາວ29 ຄະແນນ 134 ຂອງໂລກ 9. ມຽນມາ28 ຄະແນນ 137 ຂອງໂລກ 10.ກຳປູເຈຍ 21 ຄະແນນ 160 ຂອງໂລກ.
ຮຽບຮຽງຂ່າວ: ພຸດສະດີ