Homeຂ່າວຕ່າງປະເທດCovid ຂ້າ "ຊາຍຄົນສຸດທ້າຍຂອງຊົນເຜົ່າ Juma ໃນ Amazon." ເຫຼືອພຽງແຕ່ແມ່ຍິງສີ່ຄົນສຸດທ້າຍເທົ່ານັ້ນທີ່ເຫຼືອຢູ່

Covid ຂ້າ “ຊາຍຄົນສຸດທ້າຍຂອງຊົນເຜົ່າ Juma ໃນ Amazon.” ເຫຼືອພຽງແຕ່ແມ່ຍິງສີ່ຄົນສຸດທ້າຍເທົ່ານັ້ນທີ່ເຫຼືອຢູ່

Published on

ເຮົາກຳລັງຈະເຫັນການສິ້ນສຸດຂອງຊົນເຜົ່າພື້ນເມືອງທີ່ຫາຍາກໃນຂົງເຂດປ່າອາເມຊອນ, ຫຼັງຈາກໂຄວິດ- 19 ໄດ້ເອົາຊີວິດຂອງ ອາຣູຄາ ຈູມ່າ (Arukajuma), ຜູ້ຊາຍຄົນສຸດທ້າຍ ຂອງຊົນເຜົ່າຈູມ່າ ເຊິ່ງເຫຼືອພຽງແຕ່ຜູ້ຍິງ 4 ຄົນ ເທົ່ານັ້ນ.

ໃນວັນທີ 17 ມີນາ 2021 ນີ້, ເວບໄຊທ໌ ຂ່າວ Daily Mail ລາຍງານວ່າ ທ້າວ ອາຣູຄາ ຈູມ່າ ທີ່ເປັນຫົວໜ້າເຜົ່າຈູມ່າ ແລະ ຍັງເປັນຜູ້ຊາຍຄົນສຸດທ້າຍຂອງຊົນເຜົ່າພື້ນເມືອງທີ່ຫາຍາກທີ່ອາໄສຢູ່ໃນເຂດປ່າອາເມຊອນໄດ້ເສຍຊີວິດຍ້ອນຕິດພະຍາດໂຄວິດ-19 ຫຼັງຈາກທີ່ໄດ້ເຂົ້າໄປຮັບການຮັກສາທີ່ໂຮງໝໍໃນຕົວເມືອງໂປຕູເວ ໂດຍທີ່ເຮືອນຂອງລາວແມ່ນຢູ່ໃນປ່າເລິກ ເຊິ່ງຕ້ອງໄດ້ຂີ່ເຮືອໄປໂຮງໝໍປະມານ 2 ຊົ່ວໂມງ ແລະ ຕ້ອງຕໍ່ລົດໄປອີກເປັນໄລຍະທາງ 120 ກິໂລແມັດ. ອາຣູຄາ ຈູມ່າ ມີອາຍຸປະມານ 85-90 ປີ ເຊິ່ງຖືເປັນຈຸດເລິ່ມຕົ້ນ ຂອງການສິ້ນສຸດຂອງຊົນເຜົ່າຈູມ່າ ແລະ ໃນຕອນນີ້ຊົນເຜົ່າຈູມ່າເຫຼືອພຽງແຕ່ລູກສາວ 3 ຄົນຂອງອາຣູຄາ ເຊິ່ງທັງສາມຄົນໄດ້ອກໄປສ້າງຄອບຄົວກັບຊົນເຜົ່າອື່ນແລ້ວ.
ທັງນີ້ປະເທດ ບຣາຊິນມີຜູ້ຕິດເຊື້ອໂຄວິດ-19 ສູງທີ່ສຸດເປັນອັນດັບທີ່ 2 ຂອງໂລກຮອງຈາກປະເທດອາເມລິກາ ເຮັດໃຫ້ປະເທດບຣາຊິນມີຜູ້ຕິດເຊື້ອສະສົມຢູ່ທີ່ 11,7 ລ້ານຄົນ ແລະ ມີຜູ້ເສຍຊີວິດ 285,136 ຄົນ

ບົດຄວາມຫຼ້າສຸດ

ຂ່າວດີ! ພົບຊ້າງປ່າ ເຈົ້າໜ້າທີ່ປ່າສະຫງວນແຫ່ງຊາດນໍ້າປຸຍ  ແຂວງໄຊຍະບູລີ ພົບເຫັນ ແລະ ຖ່າຍຮູບພາບຊ້າງປ່າ ໃນຂະນະລົງປະຕິບັດກິດຈະກໍາໂຄງການ

ພາບຊ້າງປ່າທີ່ປ່າສະຫງວນແຫ່ງຊາດນໍ້າປຸຍ ແຂວງໄຊຍະບູລີ ເຊິ່ງຖ່າຍໄດ້ຈາກທີມງານໂຄງການ ແລະ ເຈົ້າໜ້າທີ່ປ່າສະຫງວນ ໃນຂະນະລົງປະຕິບັດກິດຈະກໍາໂຄງການ ໃນວັນທີ 10/06/2026 ທີ່ຜ່ານມາ. ປ່າສະຫງວນແຫ່ງຊາດນໍ້າປຸຍ ແຂວງໄຊຍະບູລີ ເປັນຖິ່ນອາໄສອັນດັບຕົ້ນໆຂອງປະເທດລາວ ທີ່ມີຊ້າງປ່າອາຊີ ອາໄສຢູ່, ແລະ...

ວາງແຜນຮັບມືໄພນໍ້າຖ້ວມ ຄຄນຊ ກຽມພ້ອມການຄຸ້ມຄອງບໍລິຫານຈັດການນໍ້າ ເພື່ອຮັບປະກັນການປ້ອງກັນ ແລະ ຫຼຸດຜ່ອນຜົນກະທົບຈາກໄພນໍ້າຖ້ວມໃນປີ 2026

ກອງປະຊຸມຄະນະກຳມະການຄຸ້ມຄອງນໍ້າແຫ່ງຊາດ (ຄຄນຊ) ຄັ້ງທີ II ຈັດຂຶ້ນໃນວັນທີ 11 ມິຖຸນາ 2026 ຜ່ານມາ, ຢູ່ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ລິນຄຳ ດວງສະຫວັນ...

ເຊື່ອມຕໍ່ເສັ້ນທາງລົດໄຟເຂົ້າກັບແລວສາກົນ ກະຊວງ ຍທຂ ຮ່ວມລົງນາມເປັນສະມາຊິກ ແລວທາງລົດໄຟໝາຍເລກທີ 2 ເຊື່ອມຕໍ່ 6 ປະເທດ ລາວ, ຫວຽດນາມ, ຈີນ, ກາຊັກສະຖານ, ຣັດເຊຍ ແລະ ເອສໂຕນີ

ວັນທີ 11-12 ມິຖຸນາ 2026 ຄະນະຜູ້ແທນ ກະຊວງໂຍທາທິການ ແລະ ຂົນສົ່ງ ນຳໂດຍ ທ່ານ ງາມປະສົງ ເມືອງມະນີ ຮອງລັດຖະມົນຕີ ກະຊວງໂຍທາທິການ...

ຄວ້າແຊ້ມໂລກກັບບ້ານ ທັບນາຄານ້ອຍ (W.I.G NAGA) U-10 ຕົວແທນໜຶ່ງດຽວຈາກ ສປປ ລາວ ຄວ້າແຊ້ມລະດັບໂລກ

WIG NAGA U10 ປີ ເອົາຊະນະ VALENCIA FC ຈາກປະເທດສະເປນ 2-1 ປະຕູຄວ້າແຊ້ມໃນການແຂ່ງຂັນລາຍການ MIC Football 7 ທີ່ເມືອງຄາຕາໂລເນຍ,...