ເຈົ້າບ່າວອຳມະພາດຊາວເມລິກາສາມາດຍ່າງເຂົ້າສູ່ພິທີແຕ່ງງານໄດ້ໂດຍໃຊ້ຊຸດຫຸ່ນເພື່ອຜູ້ພິການ “ເອັກໂຊດເກຕັນ” ສຳນັກຂ່າວຕ່າງປະເທດລາຍງານຈາກເມືອງດິວວິດ ລັດນິວຍອກ ປະເທດສະຫະລັດອະເມລິກາ ເມື່ອວັນທີ່20 ຕຸລາ ວ່າ ແມດ ຟິຄາລາ ເຈົ້າບ່າວຊຶ່ງເປັນອຳມະພາດຕັ້ງແຕ່ຊ່ວງເອິກລົງ ໄປສາມາດຍ່າງເຂົ້າພິທີແຕ່ງດອງຄຽງຂ້າງກັບ ຈໍແດນ ບາຊິນ ເຈົ້າສາວ ໃນວັນເສົາທີ່ຜ່ານມາ ພາຍໃນໂຮງແຮມດັບເບີນຊີ ເມືອງດິວວິດ ລັດນິວຍອກ ໂດຍໃຊ້ຊຸດຫຸ່ນເພື່ອຜູ້ພິການ “ເອັກໂຊດເກເລຕັນ”
ຟິຄາລາ ສາມາດກັບມາຢືນ ແລະ ຍ່າງໄດ້ອີກຄັ້ງ ລະຫວ່າງຮ່ວມພິທີແຕ່ງດອງໃນເຂດຊານເມືອງຊີລາຄູສ ໂດຍສວມໃສ່ຊຸດຫຸ່ນເພື່ອຜູ້ພິການ “ເອັກໂຊດເກເລຕັນ” ຫລື ເອື້ນວ່າ “ເອັກໂຊ່” ຊຶ່ງໃຊ້ພະລັງງານຈາກແບດເຕີລີ່ ທັງນີ້ເຂົາເປີດເຜີຍກັບຫນັງສືພິມທ້ອງຖິ່ນ ຊີລາຄູສ ໂພດຕ໌ວ່າ ເຂົາຕ້ອງຂັບລົດຂ້າມລັດໄປຍັງສູນບຳບັດເມືອງອັນເລນທາວ ລັດເພນຊິນເວເນຍເປັນປະຈຳທຸກອາທິດຕັ້ງແຕ່ເດືອນເມນາ ເພື່ອເຂົ້າຮັບການຝຶກຍ່າງດ້ວຍອຸປະກອນຫຸ່ນຍົນນີ້ ເມື່ອ3ປີກ່ອນ ຟິຄາລາ ເກີດຄໍຫັກເນື່ອງຈາກປະສົບອຸບັດເຫດທາງເຮືອ ສົ່ງຜົນໃຫ້ເຂົາເປັນອຳພາດຕັ້ງແຕ່ຊ່ວງເອິກລົງໄປ