ກອງທັບມຽນມາສັ່ງປົດທ່ານ ຈໍ ໂມ ຕຸນ ທູດມຽນມາປະຈຳອົງການສະຫະປະຊາຊາດ ຫຼື ຢູເອັນ ອອກຈາກຕຳແໜ່ງຫຼັງຈາກທີ່ເຂົາຮຽກຮ້ອງໃຫ້ຢູເອັນໃຊ້ມາດຕະການທຸກທາງເພື່ອຂັດຂວາງກອງທັບມຽນມານຳປະຊາທິປະໄຕກັບຄືນສູ່ປະເທດ ພ້ອມທັງຊູສັນຍາລັກສາມນິ້ວເພື່ອສະແດງໃຫ້ເຫັນວ່າບໍ່ຍອມຮັບການກໍ່ລັດຖະປະຫານ.
ຫຼ້າສຸດ, ເມື່ອວັນທີ 27 ກຸມພາ 2021 ກອງທັບມຽນມາລະບຸວ່າໄດ້ປົດທ່ານ ຈໍ ໂມ ຕຸນ ອອກຈາກຕຳແໜ່ງແລ້ວ.
ສຳນັກຂ່າວຣອຍເຕີລາຍງານວ່າ ການກ່າວຖະແຫຼງການທີ່ສວນທາງກັບຜູ້ກຸມອຳນາດໃນປະເທດແບບລັກສະນະນີ້ຂອງ ທ່ານ ຈໍ ໂມ ຕຸນ ບໍ່ເຄີຍເກີດຂຶ້ນມາກ່ອນ ແລະ ລາວເອງກໍ່ມີທ່າທີສະເທືອນໃຈໃນຂະນະທີ່ອ່ານຖະແຫຼງການໃນນາມຂອງກຸ່ມນັກການເມືອງທີ່ໄດ້ເລືອກຕັ້ງເຂົ້າມາ ໂດຍທ່ານ ຈໍ ໂມ ຕຸນ ລະບຸວ່າເຂົາເປັນຜູ້ແທນຂອງລັດຖະບານທີ່ຖືກຕ້ອງຕາມກົດໝາຍ.
ໃນເວລາຕໍ່ມາ ທ່ານ ຈໍ ໂມ ຕຸນ ເນັ້ນຢໍ້າກັບບີບີຊີວ່າ ເຂົາຖືກແຕ່ງຕັ້ງໂດຍລັດຖະບານພັກ NLD ແລະຍັງຖືວ່າຕົນເອງເປັນຕົວແທນຂອງລັດຖະບານທີ່ຖືກຕ້ອງຕາມກົດໝາຍ ແລະ ຕັດສິນໃຈ ນຳໃຊ້ເວທີສົນທະນາໃນກອງປະຊຸມສະຫະປະຊາຊາດເພື່ອເວົ້າເຖິງຄວາມເຈັບປວດທີ່ປະຊາຊົນມຽນມາກຳລັງປະເຊີນຢູ່ ເຊິ່ງຕົນເອງກໍ່ແມ່ນປະຊາຊົນຄົນໜຶ່ງ.
ເອກອັກຄະລັດຖະທູດມຽນມາປະຈຳສະຫະປະຊາຊາດກໍ່ໄດ້ກ່າວວ່າ ໄດ້ຄິດທົບທວນເຖິງຜົນກະທົບທີ່ຈະຕາມມາຈາກການກະທົບທີ່ຈະຕາມມາຈາກການກະທຳນີ້ ແລະ ຈະດຳລົງຕຳແໜ່ງນີ້ຕໍ່ໄປ.
ຮຽບຮຽງຂ່າວ: ພຸດສະດີ