ວັນທີ 22 ກຸມພາ 2021 ກອງບັນຊາການປາບປາມການກະທຳຄວາມຜິດກ່ຽວກັບການຄຸ້ມຄອງຜູ້ບໍລິໂພກເຕືອນໄພຜູ້ບໍລິໂພກ (ປຄບ) ຖະແຫຼງຂ່າວຮ່ວມກັບສຳນັກງານຄະນະກຳມະການອາຫານ ແລະ ຢາ ເຂົ້າບຸກຈັບກຸມໂຮງງານລັກລອບປອມສິນຄ້າຍີ່ຫໍ້ດັງທີ່ໂຮງງານແຫ່ງໜຶ່ງ ພາຍໃນບໍລິເວນໝູ່ 4 ຕຳບົນລຳລູກກາ, ອຳເພີລຳລູກກາ, ຈັງຫວັດປະທຸມທານີ ເຊິ່ງສາມາດຢຶດຂອງກາງໄດ້ຄື: ນໍ້າຢາລ້າງຈານ, ສະບູ່ ແລະ ແປ້ງນົວ ເປັນຈຳນວນຫຼາຍ.
ໃນຂະນະທີ່ທາງເພສເຟສບຸ໊ກ Drama-addict ມີການເຜີຍແຜ່ພາບພາຍໃນໂຮງງານບາງສ່ວນທີ່ເຈົ້າໜ້າທີ່ ປຄບ ຈະໃຊ້ໃນການຖະແຫຼງຂ່າວວັນອັງຄານທີ 23 ກຸມພາ 2021 ເວລາ 10:00 ໂມງ ໃຫ້ເຫັນການທຳງານຂອງພະນັກງານທີ່ກຳລັງນັ່ງແພັກສິນຄ້າຢູ່ພື້ນແບບບໍ່ໄດ້ມາດຕະຖານ ເຊິ່ງສິນຄ້າຖືກລະບຸວ່າເປັນຂອງກັອບປີ້ທັງໝົດ.
ຮຽບຮຽງຂ່າວ: ພຸດສະດີ