spot_img
Homeຂ່າວຕ່າງປະເທດ"ໂຈ ໄບເດນ" ໄດ້ປະກາດແຜນຄວໍ້າບາດບັນດາຜູ້ນຳທະຫານມຽນມາ

“ໂຈ ໄບເດນ” ໄດ້ປະກາດແຜນຄວໍ້າບາດບັນດາຜູ້ນຳທະຫານມຽນມາ

Published on

ປະທານາທິບໍດີ ໂຈ ໄບເດນ ຂອງອາເມລິກາ ໄດ້ປະກາດແຜນຄວໍ້າບາດບັນດາຜູ້ນຳທະຫານມຽນມາທີ່ຢູ່ເບື້ອງຫຼັງການກໍ່ລັດຖະປະຫານໃນອາທິດທີ່ຜ່ານມາ ແລະ ຮຽກຮ້ອງໃຫ້ປະເທດອື່ນໆຮ່ວມກັນກົດດັນໃຫ້ມຽນມາກັບຄືນສູ່ປະຊາທິປະໄຕ.

ສຳນັກຂ່າວກຽວໂຕລາຍງານວ່າ ມາດຕະການຄວໍ້າບາດດັ່ງກ່າວບໍ່ໄດ້ກະທົບຕໍ່ບັນດາຜູ້ນຳທະຫານມຽນມາເທົ່ານັ້ນ ແຕ່ຍັງລວມເຖິງຜົນປະໂຫຍດທາງທຸລະກິດ ແລະ ສະມາຊິກໃນຄອບຄົວຜູ້ນຳເຫຼົ່ານັ້ນ ໂດຍຈະມີການປະກາດລາຍຊື່ບຸກຄົນກຸ່ມທຳອິດທີ່ຈະຄວໍ້າບາດພາຍໃນອາທິດນີ້.

ນອກຈາກນີ້, ທ່ານປະທານາທິບໍດີ ໂຈ ໄບເດນ ຍັງກຽມໃຊ້ມາດຕະການ “ຄວບຄຸມການສົ່ງອອກຢ່າງເຂັ້ມງວດ” ແລະ ຈະກີດຂວາງນາຍພົນບໍ່ໃຫ້ເຂົ້າເຖິງກອງທຶນປະມານ 1 ພັນລ້ານໂດລາທີ່ລັດຖະບານມຽນມາຈັດຂຶ້ນໃນສະຫະລັດ ແຕ່ຍັງບໍ່ໄດ້ໃຫ້ລາຍລະອຽດເພີ່ມຕື່ມ.

ເຖິງຢ່າງໃດກໍ່ຕາມ, ອາເມລິກາຈະສືບຕໍ່ໃຫ້ການສະໜັບສະໜູນດ້ານສາທາລະນະສຸກ, ປະຊາຊົນ ແລະຂະແໜງການອື່ນໆ ທີ່ເປັນຜົນປະໂຫຍດໂດຍກົງຕໍ່ປະຊາຊົນມຽນມາ ແລະ ກ່າວປະນາມການກະທຳ ຂອງເຈົ້າໜ້າທີ່ຕຳຫຼວດທີ່ໃຊ້ກຳລັງເພື່ອປາບປາມຜູ້ທີ່ປະທ້ວງຕໍ່ກອງທັບຢ່າງສັນຕິວິທີ.

ນອກຈາກນີ້, ຍັງໄດ້ກ່າວຢໍ້າອີກເຖິງການຮຽກຮ້ອງໃຫ້ທະຫານມຽນມາປ່ອຍຕົວຜູ້ນຳການເມືອງທີ່ຖືກກັກຂັງໂດຍທັນທີ ນີ້ລວມທັງທ່ານນາງ ອອງ ຊານ ຊູຈີ ແລະ ມອບອຳນາດທີ່ກອງທັບໄດ້ຍຶດເອົາ.

ຮຽບຮຽງຂ່າວ:​ ພຸດສະດີ

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...