spot_img
Homeຂ່າວທ້ອງຖິ່ນໄຟອຳນາດຫຼາຍຈຸດໃນ ນວ ຈະໄດ້ຮັບການສ້ອມແປງເພື່ອໃຫ້ໃຊ້ງານໄດ້ປົກກະຕິ

ໄຟອຳນາດຫຼາຍຈຸດໃນ ນວ ຈະໄດ້ຮັບການສ້ອມແປງເພື່ອໃຫ້ໃຊ້ງານໄດ້ປົກກະຕິ

Published on

ລະບົບໄຟອຳນາດໃນນະຄອນຫຼວງບາງຈຸດກໍ່ສາມາດໃຊ້ງານໄດ້ປົກກະຕິ ແລະ ບາງຈຸດກໍ່ມີການເປ່ເພ ບໍ່ສາມາດໃຊ້ງານໄດ້ ເຮັດໃຫ້ການຈໍລະຈອນສັບສົນຕໍ່ກັບສະພາບການດັ່ງກ່າວ ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ (ຄບຕ) ໄດ້ເລັ່ງສ້ອງແປງບັນດາຈຸດໄຟອຳນາດທີ່ມີການເປ່ເພ ສະເພາະໃນວັນທີ 3 ກຸມພາ 2021 ວິຊາການຫ້ອງການ ຄບຕ ສ້ອມແປງລະບົບໄຟອຳນາດຕະຫຼາດທົ່ງຂັນຄຳ ເພື່ອໃຫ້ສາມາດໃຊ້ງານໄດ້.

ໜັງສືພິມວຽງຈັນໃໝ່ ລາຍງານວ່າ ທ່ານ ບຸນຈັນ ແກ້ວສີທຳມະ ຫົວໜ້າຫ້ອງການ ຄບຕ ໃຫ້ສຳພາດວ່າ ເພື່ອເຮັດໃຫ້ການຈາລະຈອນຕາມທ້ອງຖະໜົນມີຄວາມສະດວກສະບາຍ ແລະ ຮັບປະກັນຄວາມເປັນລະບຽບຮຽບຮ້ອຍ ໃນໄລຍະຜ່ານມາ ຫ້ອງການ ຄບຕ ກໍ່ໄດ້ເອົາໃຈໃສ່ລົງຕິດຕາມກວດກາໄຟອຳນາດຕາມຈຸດຕ່າງໆພາຍໃນນະຄອນຫຼວງວຽງຈັນ ແລະ ຈຸດໃດທີ່ເປ່ເພແມ່ນໄດ້ສ້ອມແປງ ຫຼື ປ່ຽນອຸປະກອນທີ່ບໍ່ສາມາດໃຊ້ງານໄດ້ອອກ ເພື່ອເຮັດໃຫ້ສາມາດໃຊ້ງານໄດ້ປົກກະຕິ ສະເພາະຢູ່ລະບົບໄຟອຳນາດຕະຫຼາດທົ່ງຂັນຄຳຜ່ານການກວດເບິ່ງ ເຫັນວ່າລະບົບເກົ່າເສື່ອມລະບົບຊອບແວບໍສາມາດປັບເວລາໄດ້ ເນື່ອງຈາກວ່າຜູ້ຕິດຕັ້ງເປັນວິຊາການຈາກຕ່າງປະເທດ ດັ່ງນັ້ນ, ການສ້ອມແປງຈຶ່ງໄດ້ປ່ຽນລະບົບ ແລະ ອຸປະກອນໃໝ່ຄົບຊຸດ ໂດຍນຳໃຊ້ລະບົບວິສະວະກຳເອເລັກໂທຣນິກ ມະຫາວິທະຍາໄລແຫ່ງຊາດ ທີ່ໄດ້ຮ່ວມມືກັນ ໃນນີ້ໄດ້ຂຽນລະບົບຊອບແວໃໝ່ ເຊິ່ງລະບົບດັ່ງກ່າວໄດ້ຕິດຕັັ້ງທົດລອງຢູ່ຈຸດໄຟອຳນາດໂພນທັນ ແລະ ໄຟອຳນາດເຂດເສດຖະກິດພິເສດ ເຫັນວ່າໃຊ້ງານໄດ້ດີ.

ນອກຈາກນີ້, ຍັງຈະໄດ້ເລັ່ງສືບຕໍ່ສ້ອມແປງໄຟອຳນາດສະໜາມບິນວັດໄຕ,​ ໄຟອຳນາດດົງໝ້ຽງ ໄຟອຳນາດຊ້າງເຜືອກ ແລະ ຈຸດອື່ນໆອີກໃນທົ່ວນະຄອນຫຼວງວຽງຈັນໃຫ້ສຳເລັດ ສາມາດໃຊ້ງານໄດ້ປົກກະຕິໃນໄວໆນີ້.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...