ສຳນັກຂ່າວຕ່າງປະເທດ ລາຍງານວ່າ ປະເທດຈີນໄດ້ກາຍເປັນຈຸດໝາຍປາຍທາງອັນດັບ 1 ຂອງໂລກ ສຳລັບການລົງທຶນໃໝ່ຂອງນັກລົງທຶນຕ່າງຊາດ ແຊງໜ້າອາເມລິກາ.
ກອງປະຊຸມອົງການສະຫະປະຊາຊາດເພື່ອການຄ້າແລະການພັດທະນາ (UNCTAD) ກ່າວໃນວັນທີ 24 ມັງກອນນີ້ວ່າ, ຈີນໄດ້ກາຍເປັນຈຸດໝາຍປາຍທາງອັນດັບ 1 ຂອງໂລກ ສຳລັບການລົງທືນຂອງນັກລົງທຶນຕ່າງປະເທດ (FDI) ແຊງໜ້າອາເມລິກາ.
ໃນຂະນະທີ່ອາເມລິກາເຄີຍຄອງຕຳແໜ່ງແຊັ້ມມີການລົງທຶນ FDI ກຸ່ມໃໝ່ຫຼດລົງເຄິ່ງໜຶ່ງເມື່ອທຽບກັບປີທີ່ຜ່ານມາ ໃນທາງກັັບກັນການລົງທຶນໃນປະເທດຈີນເພີ່ມຂຶ້ນ 4% ສະແດງໃຫ້ເຫັນເຖິງອິດທິພົນຂອງຈີນທີ່ເພີ່ມຂຶ້ນໃນເວທີເສດຖະກິດໂລກ.
ຕາມການໃຫ້ຂໍ້ມູນຂອງສູນວິໄຈເສດຖະສາດ ແລະ ທຸລະກິດ (CEBR) ໃນອັງກິດມີການຄາດການວ່າ ຈີນອາດແຊງໜ້າອາເມລິກາໄດ້ພາຍໃນປີ 2028.
ໃນຂະນະທີ່ເສດຖະກິດຂອງອາເມລິກາກຳລັງວິກິດດ້ວຍສະຖານະການແຜ່ລະບາດຂອງໂຄວິດ-19 ແຕ່ເສດຖະກິດຂອງຈີນກັບຟື້ນຕົວຢ່າງໄວວາ. ໂດຍຈີນມີເງິນໄຫຼເຂົ້າປະເທດເຖິງ 163,000 ລ້ານໂດລາ ຂະນະທີ່ອາເມລິກາມີພຽງ 134,000 ລ້ານໂດລາ.
ຮຽບຮຽງຂ່າວ: ພຸດສະດີ