ຄະນະສະເພາະກິດຄວບຄຸມ ປ້ອງກັນ ແລະ ແກ້ໄຂການລະບາດຂອງພະຍາດໂຄວິດ-19 ຖະແຫຼງຂ່າວລາຍງານສະພາບການລະບາດຂອງພະຍາດໂຄວິດ-19 ໃນັວນທີ 22 ມັງກອນ 2021 ວ່າ ພົບຜູ້ຕິດເຊື້ອໂຄວິດ-19 ເພີ່ມອີກ 2 ກໍລະນີ ເຮັດໃຫ້ປະຈຸບັນ, ປະເທດລາວມີຜູ້ຕິດເຊື້ອສະສົມ 43 ກໍລະນີ.

ສປປ ລາວ ກວດພົບຜູ້ຕິດເຊື້ອໂຄວິດ-19 ເພີ່ມອີກ 2 ກໍລະນີ, ໃນນັ້ນ ເປັນຄົນສັນຊາດລາວ 1 ຄົນ ເພດຍິງ ແລະ ຄົນສັນຊາດຈີນ 1 ຄົນ .

ຜູ້ຕິດເຊື້ອໂຄວິດ-19 ເບີທີ 41 ເປັນເພດຊາຍສັນຊາວຈີນ ເດີນທາງມາຈາກຈັງຫວັດຊຽງຣາຍ ປະເທດໄທ ຜ່ານແຂວງບໍ່ແກ້ວ ແລະ ຫຼວງນໍ້າທາ.

ຜູ້ຕິດເຊື້ອໂຄວິດ-19 ເບີທີ 42 ເປັນເພດຍິງ, ອາຍຸ 33 ປີ, ສັນຊາດລາວ,​ ຢູ່ແຂວງຈຳປາສັກ. ເຊິ່ງປະຫວັດການເດີນທາງຂອງຜູ້ຕິດເຊື້ອເບີ 42 ມີດັ່ງນີ້:

• ວັນທີ 18/1/2021 ເດີນທາງເຊົ່າລົດຕູ້ຈາກກຸງເທບ ແລະ ມານອນພັກຢູ່ໂຮງແຮມ ຢູ່ຈັງຫວັດສີສະເກດ 1 ຄືນ.
• ວັນທີ 19/1/2021 ເດີນທາງອອກຈາກຈັງຫວັດສີສະເກດມາຈັງຫວັດອຸບົນ ແລະ ມາຮອດປະມານ 9 ໂມງເຊົ້າ ແແລະຂ້າມດ່ານມາລາວ ໃນເຊົ້າມື້ນັ້ນ. ຈາກນັ້ນໄດ້ເກັບຕົວຢ່າງຢູ່ເມືອງໂພນທອງເວລາ 11 ໂມງ ແລະ ສົ່ງນອນຕິດຕາມຢູ່ສູນຫຼັກ 21 ເວລາປະມານ 4 ໂມງແລງ.
• 20/1/2021 ນອນຕິດຕາມຢູ່ຫຼັງ 21 ລໍຖ້າຜົນກວດຮ່ວມກັບໝູ່ທີ່ເດີນທາງມານຳລົດຄັນດຽວກັນແຕ່ໄທ 8 ຄົນ ແລະ ອີກ 4 ຄົນ ແມ່ນມາແຕ່ໄທຄືກັນ (ລວມ 12 ຄົນຕໍ່ຫ້ອງໜຶ່ງ)
• 20/1/2021 ຜູ້ກ່ຽວໄດ້ຖືກສົ່ງໄປນອນປິ່ນປົວຢູ່ໂພນທອງເວລາ 12 ໂມງທ່ຽງ ເພາະຜົນກວດໄດ້ຢັ້ງຢືນມາແຕ່ສູນວຽງຈັນວ່າເປັນບວກແທ້. ຜູ້ໃກ້ຊິດມີທັງໝົດ 40 ຄົນ ແລະ 148 ຄົນທີ່ກັກຕົວຢູ່ສູນທັງໝົດ ໄດ້ຮັບການກວດຫາເຊື້ອແລ້ວແຕ່ຜົນອອກມາເປັນລົບ.

ຮຽບຮຽງຂ່າວ: ພຸດສະດີ