spot_img
Homeຂ່າວທ້ອງຖິ່ນຄ່າລົດເມຍັງບໍ່ມີການປ່ຽນແປງເຖິງວ່າລາຄານ້ຳມັນຈະມີການປັບຂຶ້ນຢ່າງຕໍ່ເນື່ອງ

ຄ່າລົດເມຍັງບໍ່ມີການປ່ຽນແປງເຖິງວ່າລາຄານ້ຳມັນຈະມີການປັບຂຶ້ນຢ່າງຕໍ່ເນື່ອງ

Published on

ຄ່າບໍລິການລົດເມສາຍຕ່າງໆຢູ່ນະຄອນຫຼວງວຽງຈັນ ແລະ ຕ່າງແຂວງ ແມ່ນຈະຍັງບໍ່ມີການປ່ຽນແປງ ເຖິງວ່າລາຄານ້ຳມັນຈະມີການປັບຂຶ້ນ ຢ່າງຕໍ່ເນື່ອງ.

ທ່ານ ທະນົງສີ ເດດວົງສອນ ຫົວໜ້າຂະແໜງແຜນການ ແລະ ການຂົນສົ່ງ ຂອງລັດວິສາຫະກິດ ລົດເມນະຄອນຫຼວງ ໄດ້ໃຫ້ສຳພາດຕໍ່ ໜັງສືພິມວຽງຈັນທາຍ ເມື່ອບໍ່ດົນມານີ້ວ່າ:  ບໍລິສັດຈະພະຍາຍາມຮັກສາລາຄາປີ້ ຫຼື ຄ່າບໍລິການລົດເມໂດຍສານ ບໍ່ໃຫ້ມີການປ່ຽນແປງ ເຖິງແມ່ນວ່າຕົ້ນທຶນຂອງບໍລິສັດຈະສູງຂຶ້ນກໍ່ຕາມ ເຊິ່ງການເພີ່ມຂຶ້ນຂອງລາຄານ້ຳມັນໄດ້ສົ່ງຜົນກະທົບຕໍ່ບໍລິສັດຫຼາຍສົມຄວນເພາະລາຄານ້ຳມັນແມ່ນກວມເອົາຫຼາຍກວ່າ 55% ຂອງລາຍຈ່າຍໃນບໍລິສັດ.

ເນື່ອງຈາກການລະບາດຂອງພະຍາດໂຄວິດ-19 ທາງບໍລິສັດກໍ່ເຂົ້າໃຈດີຫາກມີການຂຶ້ນຄ່າລົດເມຈະເກີດຜົນກະທົບຕໍ່ຜູ້ໂດຍສານ ໃນໄລຍະນີ້ ແລະ ຈຳນວນຜູ້ໂດຍສານໃນປະຈຸບັນແມ່ນຫຼຸດລົງເກືອບ 20% ເມື່ອທຽບໃສ່ປີຜ່ານມາ ຍ້ອນນັກທ່ອງທ່ຽວບໍ່ສາມາດເຂົ້າມາໃນລາວໄດ້. 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...