spot_img
Homeຂ່າວພາຍ​ໃນປິດເທດສະບານເມືອງຕົ້ນເຜິ້ງ ແລະ ເຂດເສດຖະກິດພິເສດສາມຫຼ່ຽມຄຳ ຊົ່ວຄາວ 14 ວັນ

ປິດເທດສະບານເມືອງຕົ້ນເຜິ້ງ ແລະ ເຂດເສດຖະກິດພິເສດສາມຫຼ່ຽມຄຳ ຊົ່ວຄາວ 14 ວັນ

Published on

ຕາມການລາຍງານຂອງຄະນະອຳນວຍການໂຮງໝໍແຂວງ ບໍ່ແກ້ວ ໃນວັນທີ 8 ມັງກອນ 2021 ທີ່ຜ່ານມາ ທາງຂອງຄະນະສະເພາະກິດຂັ້ນແຂວງ ໄດ້ມີການປຶກສາຫາ ແລະ ເຫັນດີເປັນເອກະພາບ ໃນຕອນເຊົ້າ ຂອງວັນທີ 12 ມັງກອນ 2021 ເພື່ອຄວບຄຸມ, ປ້ອງກັນ ແລະ ແກ້ໄຂການແຜ່ລະບາດຂອງໂຄວິດ-19 ທາງແຂວງຈຶ່ງອອກແຈ້ງການ ໂດຍມີເນື້ອໃນດັ່ງລຸ່ມນີ້

  1. ເຫັນດີປິດເທດສະບານເມືອງຕົ້ນເຜິ້ງ ແລະ ເຂດເສດຖະກິດພິເສດສາມຫຼ່ຽມຄຳ (ເປັນເວລາ 14 ວັນ) ເລິ່ມແຕ່ວັນທີ 12 ມັງກອນ ເຖິງ 25 ມັງກອນ 2021.
  2. ມອບໃຫ້ເຈົ້າໜ້າທີ່ ທີ່ກ່ຽວຂ້ອງ ຕັ້ງຈຸດກວດຢູ່ໃກ້ກັບ 3 ແຍກປະຕູໂຂງທາງເຂົ້າເມຶອງຕົ້ນເຜີ້ງ ແລະ 4 ແຍກບ້ານໂພນໂຮມ.
  3. ໃຫ້ເມືອງຕົ້ນເຜິ້ງ ນຳໃຊ້ກຳລັງທະຫານ, ປກສ ແລະ ແພດໝໍ ປະຈຳຈຸດກວດກາດັ່ງກ່າວ ເພື່ອປະຕິບັດມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ຢ່າງເຂັ້ມງວດ.

ກ່ອນໜ້ານີ້, ຄະນະສະເພາະກິດອອກຄຳສັ່ງໃຫ້ປິດເມືອງຕົ້ນເຜິ້ງ ແຂວງບໍ່ແກ້ວຊົ່ວຄາວເພື່ອຕອບໂຕ້ການລະບາດຂອງໂຄວິດ-19 ໃນປະເທດໃກ້ຄຽງ ແລະ ສະກັດກັ້ນບໍ່ໃຫ້ມີການເຂົ້າອອກເມືອງເພື່ອປ້ອງກັນການລະບາດຂອງພະຍາດດັ່ງກ່າວເຂົ້າມາໃນແຂວງບໍ່ແກ້ວ ຫຼັງຈາກໄດ້ຮັບແຈ້ງການຈາກປະເທດຈີນວ່າ ພົນລະເມືອງ 2 ຄົນຂອງປະເທດນີ້ໄດ້ເຂົ້າມາຈາກປະເທດມຽນມາ ແລະ ເຂົ້າໄປໃນແຂວງບໍ່ແກ້ວ ແລະ ເຂົ້າເມືອງ ປະເທດຈີນຢ່າງຜິດກົດໝາຍ ບັນດາການວິເຄາະພາຍຫຼັງຂອງຈີນສຳຫຼັບສອງຄົນນີ້ ເປັນຕິດ​ເຊື້ອໄວຣັດ SARS-CoV-2.

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...