spot_img
Homeຂ່າວທ້ອງຖິ່ນໂຄງການລັດຈໍານວນໜຶ່ງຢູ່ ນວ ຍັງເຮັດບໍ່ໄດ້ດີ ແລະ ບໍ່ມີຈຸດສຸມ

ໂຄງການລັດຈໍານວນໜຶ່ງຢູ່ ນວ ຍັງເຮັດບໍ່ໄດ້ດີ ແລະ ບໍ່ມີຈຸດສຸມ

Published on

ໜັງສືພິມວຽງຈັນທາມ ລາຍງານວ່າ ສະພາປະຊາຊົນ ນະຄອນຫຼວງວຽງຈັນ (ນວ) ແຈ້ງໃຫ້ຮູ້ວ່າ ໃນໄລຍະ 5 ປີຜ່ານມາ ນັບແຕ່ປີ 2016-2020 ການລົງທຶນຢູ່ພາຍໃນ ນວ ຍັງພົບຈຸດອ່ອນ ແລະ ຂໍ້ ຫຍຸ້ງຍາກທີ່ຈະເລ່ັງແກ້ໄຂໃນອະນາຄົດ ໂດຍພົບເຫັນໂຄງການລົງທຶນຂອງລັດຈໍານວນໜຶ່ງຍັງປະຕິບັດບໍ່ທັນໄດ້ດີ, ບໍ່ມີຈຸດສຸມ ສ່ວນໃຫ່ຍແມ່ນເລັ່ງໃສ່ໂຄງການຮີບດ່ວນເພື່ອແກ້ໄຂຄວາມຫຍຸ້ງຍາກສະເພາະໜ້າ, ຍັງມີບາງໂຄງການໄດ້ສົ່ງຜົນກະທົບຕໍ່ຊີວິດການເປັນຢູ່ຂອງປະຊາຊົນ, ບໍ່ປະຕິບັດໄປຕາມເປົ້າໝາຍການລົງທຶນ, ບໍ່ປະຕິບັດຕາມສັນຍາ ແລະ ບໍ່ມີຄວາມຄືບໜ້າ.

ສະພາປະຊາຊົນ ນວ ໃຫ້ຮູ້ຕື່ມວ່າ ການຊໍາລະໜີ້ສິນຍັງພົບຄວາມຫຍຸ້ງຍາກ, ຜ່ານມາການແກ້ໄຂໜິ້ສິນແມ່ນຂຶ້ນກັບຄວາມສາມາດຂອງງົບປະມານລວມທັງການແກ້ໄຂຮູບແບບໜີ້ສາມແຈແຕ່ກໍ່ບໍ່ສາມາດຈັດຕັ້ງປະຕິບັດໄດ້ຢ່າງທົ່ວເຖິງເຮັດໃຫ້ຜູ້ລົງທຶນແບກຮັບຢ່າງໜັກໜ່ວງ, ການຫັນຊັບສິນເປັນທຶນເພື່ອຊໍາລະໜີ້ໂຄງການລົງທຶນຂອງລັດທີ່ເປັນການລົງທຶນຂອງພາກເອກກະຊົນຍັງພົບຄວາມຫຍຸ້ງຍາກ, ຊັກຊ້າ ເຮັດໃຫ້ຕ້ອງແບກຫາບໜີ້ສິນຕົ້ນທຶນ ແລະ ດອກເບ້ຍເພີ່ມຂຶ້ນສູງເຊັ່ນ: ການກໍ່ ສ້າງເສັ້ນທາງ 450 ປີ ທີ່ປະຕິບັດສໍາເລັດແລ້ວ ແຕ່ບໍ່ສາມາດຂາຍດິນລຽບເສັ້ນທາງເພື່ອມາຊໍາລະໜີ້ໄດ້ເທື່ອ, ນອກນັ້ນການລົງທຶນໃສ່ການຜະລິດກະສິກໍາເປັນສິນຄ້າຍັງບໍ່ພຽງພໍກັບຄວາມຮຽກຮ້ອງຕ້ອງການ ແລະ ບໍ່ຢືນຍົງ ຍັງເພິ່ງການນໍາເຂົ້າເປັນຫຼັກ ແລະ ອື່ນໆ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ກ້າວໄປອີກຂັ້ນ! ຍີ່ປຸ່ນສ້າງເລືອດທຽມ ສາມາດໃຊ້ທົດແທນໄດ້ທຸກກຸບເລືອດ ແລະ ສາມາດເກັບຮັກສາໄດ້ດົນກວ່າ 2 ປີ

ເປັນການພັດທະນາທາງດ້ານເຕັກໂຕໂລຊີເລືອດທຽມຂອງປະເທດຍີ່ປຸ່ນທີ່ຈະມາແກ້ໄຂບັນຫາຂາດແຄນເລືອດໃນໂລກ ການພັດທະນາທາງດ້ານການແພດຂອງປະເທດຍີ່ປຸ່ນ ໄດ້ແນ່ໃສ່ຄວາມສຳຄັນໃນການຈັດສັນຫາເລືອດ ດ້ວຍການພັດທະນາເຕັກໂນໂລຊີ ເລືອດທຽມ ທີ່ສາມາດໃຊ້ໄດ້ກັບຄົນເຈັບທຸກກຸບເລືອດ ແລະ ສາມາດເກັບຮັກສາໄດ້ດົນ 2 ປີ. ໃນການວິໄຈຂອງມະຫາວິທະຍາໄລການແພດນາລາ ຂອງປະເທດຍີ່ປຸ່ນ ທີ່ໄດ້ພັດທະນາສານທີ່ເອີ້ນວ່າ hemoglobin vesicles ເປັນຫຼັກການດຶງເອົາ...

ແຜ່ນດິນໄຫວຂະໜາດ 6,0 ຣິກເຕີ ໃນປະເທດອັບການິສະຖານ ເຮັດໃຫ້ມີຜູ້ເສຍຊີວິດ 622 ຄົນ ແລະ ໄດ້ຮັບບາດເຈັບຫຼາຍກວ່າ 1,500 ຄົນ

ເກີດເຫດແຜ່ນດີນໄຫວໃນວັນທີ 31 ກັນຍາ 2025 ທີ່ປະເທດອັບການິສະຖານ ມີຂະໜາດ 6,0 ຣິກເຕີ ເຮັດໃຫ້ມີຜູ້ເສຍຊີວິດຈໍານວນ 622 ຄົນ ລາຍງານຫຼ້າສຸດ, ຈາກເຫດແຜ່ນດິນໄຫວໃນປະເທດອັຟການິສຖານ ທີ່ເກີດຂຶ້ນໃນວັນທີ 31...

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...