ເມື່ອວັນທີ 4 ມັງກອນ 2021 ເວັບໄຊຂ່າວເດລີນິວສ໌ ລາຍງານວ່າ ມະນຸດອາດໄດ້ປະເຊີນໜ້າກັນໂຣກປິດສະໜາຊະນິດໃໝ່ທີ່ມີຊື່ວ່າ Disease X ຫຼື ເຊື້ອໂຣກ X ປະເທດຄອງໂກ ທີ່ເຊື່ອວ່າມີການແຜ່ລະບາດໄດ້ໄວເທົ່າກັບໄວຣັສໂຄໂຣນາ ແລະ ຮ້າຍແຮງເທົ່າກັບເຊື້ອອີໂບລາ ທີ່ມີອັດຕາການສ່ຽງສູງເຖິງ 50-90% ແລະ ໂຣກປິດສະໜານີ້ສາມາດແຜ່ໄດ້ໄວ ແລະ ອາດມີຄວາມຮຸນແຮງຫຼາຍກວ່າໂຄວິດ-19.
ທັງນີ້, ມີລາຍງານວ່າ ພົບໄວຣັສຕົວໃໝ່ໃນປ່າເຂດຮ້ອນໃນທະວີບແອຟຣິກາ ໂດຍພົບຜູ້ປ່ວຍເປັນເພດຍິງ 1 ຄົນ ໃນພື້ນທີ່ຊົນນະບົດຂອງປະເທດຄອງໂກ ເຊິ່ງຜູ້ຕິດເຊື້ອມີອາການປ່ວຍເບື້ອງຕົ້ນຂອງໂຣກໄຂ້ເລືອດອອກ ເຊິ່ງຜູ້ປ່ວຍດັ່ງກ່າວໄດ້ກວດຫາເຊື້ອອີໂບລາແລ້ວ ແຕ່ຜົນເປັນລົບເຮັດໃຫ້ເກີດຄຳຖາມເຖິງການເກີດໂຣກ ທາງຄະນະແພດໄດ້ມີຄວາມກັງວົນວ່າຜູ້ປ່ວຍລາຍນີ້ຈະເປັນຜູ້ປ່ວຍໝາຍເລກ 0 ຂອງເຊື້ອໂຣກໃໝ່.
ທາງດ້ານອົງການອານາໄມໂລກດ້ໃຫ້ຄວາມສຳຄັນກັບໂຣກ Disease X ໃຫ້ເປັນ 1 ໃນ 9 ໂຣກທີ່ຢູ່ໃນບັນຊີທີ່ຈະຕ້ອງມີການຄົ້ນຄວ້າ ແລະ ສຶກສາເພີ່ມເຕີມ ເນື່ອງຈາກເປັນໂຣກທີ່ເປັນໄພຄຸກຄາມຕໍ່ລະບົບສາທາລະນະສຸກ ແລະ ມີແນວໂນ້ມເປັນໂຣກລະບາດຫາກບໍ່ມີມາດຕະການຮັບມືປ້ອງກັນທີ່ພຽງພໍ.
ຮຽບຮຽງຂ່າວ: ພຸດສະດີ