ສະພາບການຂອງການລະບາດໂຄວິດ-19 ໃນປະເທດໄທ ເມື່ອວັນທີ 31 ທັນວາ 2020 ລາຍງານວ່າ ຈັງຫວັດໜອງຄາຍຫຼັງຈາກເປັນພື້ນທີ່ສີຂຽວເປັນເວລາຫຼາຍວັນແຕ່ໃນທີ່ສຸດກໍ່ຜູ້ຕິດເຊື້ອໂຄວິດ-19 ກໍລະນີທໍາອິດ. ເຊິ່ງເປັນເພດຍິງອາຍຸ 35ປີ ຊາວອໍາເພີໂພນໄສ, ມີອາຊີຍຂາຍອາຫານທະເລທີ່ບາງກອກ ຫຼັງຈາກຜູ້ກ່ຽວໄດ້ໄປຮັບເອົາອາຫານທະເລຈາກສະໝຸດສາຄອນມາຂາຍ.
ສ່ວນຈັງຫວັດການຈະນະບູລີ ປະກາດເປັນພື້ນທີ່ເຝົ້າລະວັງລະດັບສູງ ແລະ ອີກ 12 ອໍາເພີເປັນພື້ນທີ່ເຝົ້າລະວັງ ຫຼັງພົບຜູ້ຕິດເຊື້ອໂຄວິດ-19 ກໍລະນີທໍາອິດໃນຈັງຫວັດ.
ປັດຈຸບັນ ໄທຢືນຢັນຕົວເລກຜູ້ຕິດເຊື້ອໂຄວິດ-19 ສະສົມຢູ່ທີ່ 7,163 ກໍລະນີ, ຮັກສາຫາຍດີ 4,273 ແລະ ເສຍຊີວິດ 63.
ຮຽບຮຽງຂ່າວ: ພຸດສະດີ